Versículos bíblicos populares de MARKUS 13

Compartir

Larikalikingangiko risikuanna tau kanara ri arengKu. Mingka tau attahang injo sa'genna rikala'busanna injo lasalama'i.”

”Tutuko na a'jaga-jagako! Saba' gele muisse' sikuraiya nalarapi' hattunna.

Ampa rirenrengko na ripassareang, akomo bata-bata ri apa nuparallu lamupau, mingka paui apa nuripassareang injo ri kau rihattu injo, saba' gele kau a'bisara, mingka Nyaha Tangkasa.

Langi' na lino laallalo, mingka pauKu gelei lallalo.

Mingka passala allonna iyareka hattu injo gele rie' manna se're tau laisse'i, sikonjo malaeka' ri Suruga gele laisse', na manna Ana' gele todo'i, sangga Amma jua laisse'i.”

Ampa allangngereko sa'ra pa'bundukang iyareka kareba passala pa'bundukang, akolalo balisai. Iangase'na injo parallui laa'jari, mingka gelepa injo kala'busanna.

Kanara injomo a'jaga-jagaiko, saba' gele muisse' risikuraiya hattu nalamuliangi opuna sapo, rilabangngina, iyareka ritangnga bangngina, iyareka ridanniarina, iyareka rirahungkalena juapa, solanna ampa sikali rie'i andako kauppaang attangnga tinro. Apa Kupau mange ri kaui, Kupau todo'i mange risikuanna tau: A'jaga-jagaiko!”

Saba' tau lohe laasibaliang tau lohe na pakkaraengang laasibaliang pakkaraengang. Laa'jari anggeong sarroi tana ri lino ri antee-tee mae tampa', na larie' kalara' bakka'. Iangase'na injo ampamo pakaramulana kasissaang rilarie'namo jammang bau.

Mingka Injili parallui ripappiissekang la'bi riolo mange risikuanna tau.

Lalohe tau rie' mae lapake arengKu na lakua: Nakkemo Ia, na iyai injo laappakalingu lohe tau.

Mingka kau inni, tutulaloko! Kau laripassareangiko mange ri pangadelang agama; larirabungiko ri sapo passambajanganna na lariparapa'ko mange risikonjo gubernur na risikonjo karaeng kanara ri Nakke, assimpole se're passa'bi mange ri iyai.

Saba' lohe Almase palusu na lohe todo' nabbi palusu laammumba na iyai laa'bua'i tanra-tanra surang nugele samara, solanna so'di injo ma'ringi, laappakalingu ri tau ripile injo.

”Mingka rihattu injo, ri maenna sessaang injo latide'mo matanna allo na bulang tide'mo saunna na sikonjo bintoeng laa'dappeki battu ri langi', na sikonjo kahasa ri langi' langgeong.