Versículos bíblicos populares de MATIUS 28

Compartir

Injomo saba'na a'lampaimoko, sikuanna tau paa'jarii ana' gurungKu na rio ngase'i lalang arenNa Amma, Ana' surang Nyaha Tangkasa, na ajarai anggeokang sikonjo numaeng injo Kuparenta mange ri kaui. Piisseki, Nakke tulusu minahang ri kaui sa'genna rikala'busanna lino.”

Mangei Isa ri iyai na appaui, ”Ri Nakke maeng risareamma sikonjo kahasa ri Suruga surang ri lino.

Mingka, appaui malaeka' injo mange ri tubahine injo, ”Akomo malla'; saba' kuisse'i Isa turisalli' injo mubojai. Ia tide'i ri inni, saba' Ia attallasamu muliang, assimpole numaeng injo lapau. Maeko, janjangi tampa'Na ripaonrang.

Jari appaui Isa mange ri iyai, ”Akomo malla'. A'lampamoko na paui mange risikonjo urang siana'Ku, solanna a'lampai mange ri Galilea, na konjopakang mange laassijanjang.”

Rimaennamo a'rappungi surang tutoa-toa, ngalleimu se're passamaturukang laassare doe' passogo' mange ri sorodadu a'jaga injo na lakua, ”Parallui mupau ma'nassana ana'-ana' gurunNa battui ritangnga bangngina na lalukka'i batangkalenna Isa rihattu tinroimmu. Ampa passala inni kalangngerang ri pamarenta, kambepa a'bisara mange ri ia, sa'genna geleko nguppa nulaappakasusa.” Latarimai doe' injo na lageokangi toje'i assimpole nuripauwang injo mange ri iyai. Pau inni alla'bangi risikuanna tau Yahudi sa'genna inni hattu.