Versículos bíblicos populares de MATIUS 24

Compartir

Saba' pela' lohena kadorakaang, jari lalohe todo' tau a'jari la'ba pangamaseanna. Mingka tau jarre' injo tappa'na sa'genna larapi' allo kala'busanna lasalama'i.

Injili Pakkaraengang inni laripala'bangi risibatu lino a'jari passa'bi risikonjo bangsa, maempa injo ampamu larapi' allo kala'busanna.”

Lallangngeriko sa'ra passala pa'bundukang iyareka kareba pa'bundukang. Mingka tutulaloko na andaimoko bentere; saba' iangase'na injo parallui a'jari, mingka ia injo gelepa allo kala'busang.

Saba' bangsa laammenteng a'bali bangsa, na pakkaraengang la'bali pakkaraengang. Larie' kalarakang bakka' na ri antee-tee mae langgeong tana. Mingka iangase'na injo ampamo pakaramulana kasissaang laantama' rijammang bau.

Langi' na lino inni laallalo, mingka pauKu gele laallalo.

Saba' lohe tau labattu lapake arengKu na lakua: Nakkemo Almase, na iyai injo laappakalingu tau lohe.

Rihattu injo ripassareangiko larisissa, na larihunoiko surang larikalikkingangiko risikuanna tau passabakang ri arengKu, na lohe tau laa'bali'ballang na lassipassareangi surang lassikalikkingang. Lohe nabbi palusu lambua' na laappakalingu tau lohe.

Pappihalinna Isa mange ri iyai, ”Tutulaloko solanna anda rie' tau appa'lingu mange ri kau!

Injomo saba'na, paralluko tulusu sadia, saba' Ana' Rupatau larie'i rihattu nugele injo musanna-sanna.”

Injomo saba'na, a'jaga-jagailaloko, saba' gele muisse' rihattu ngurana narie'i Karaemmu.

Mingka allo na hattu injo gele rie' laisse'i manna se're tau, sikonjo malaeka' ri suruga gele todo'i, na manna Ana' injo gele todo'i, Amma jua kale-kalenna laisse'i.”

Saba' lalohe Almase palusu surang nabbi palusu laammumba na iyai injo lappaa'jari tanra-tanra bakka' na nugele samara, sa'genna so'di injo ma'ringi, iyai injo laappakalingu todo'i tau ripile injo.

”Saba' anteekamua passala'na ri jammanna Nuhung, appakonjo todo'i sallo' rihattu pariekanna Ana' Rupatau. Anteekamua iyai rigelenapa battu a'ba bakka' injo nganre na nginungi, a'bonting na ripa'bontingangi, sa'genna larapi' hattu antama'na Nuhung ri lopi, na iyai gele rie' nulaisse', rigelenapa battu a'ba bakka' injo na lapakalannya' ngase'i, appakonjo todo'i passala'na sallo' rihattu pariekanna Ana' Rupatau.