Versículos bíblicos populares de MATIUS 10

Compartir

”Janjangi, Nakke assuro ri kaui assimpole jimbala mange ritangnga-tangngana asu borong, injomo saba'na paralluko sara'de' assimpole saa na baji' assimpole bangkeng bodo.

Inai jua lakakutui nyahana, ia latappela' nyahana, na inai jua tappela' nyahana kanara ri Nakke, ia lauppai muliang.

Akolalo malla' mange ri iyai tuakkulle injo muno batangkale, mingka tide' kahasana lamuno nyaha; malla'laloko mange ri Ia tukahasa injo lamuno baji' nyaha iyareka batangkale lalang ri naraka.

Inai jua gele lasompo salli'na na minahang ri Nakke, ia gelei siratang ri Nakke.

Sikuanna tau ngani ri Nakke ri a'rakang rupatau, Nakke langani todo' ri ia ri a'rakanna AmmangKu ri suruga. Mingka inai jua a'boko ri Nakke ri a'rakanna rupatau, Kubokoi todo'i ri a'rakanna AmmangKu ri suruga.”

Pakagassinglalo tau garring injo; pakaattallasai tau mate injo; pakamole tau kattakang injo; ga'garai sikonjo setang. Maeng muuppa ngase'mu nagelejua muhalli, injomo saba'na passareang todo'i nagele lahalli.

Injomo saba'na, akolalo malla', saba' kau la'bi riekang anggaranna battu ri dongi' lohe injo.

”Akolalo a'ngare' ma'nassana Nakke rie' mae langerang dame ri bahonna lino inni; Nakke rie' mae gele langerang dame, mingka pa'dang.