Versículos bíblicos populares de LUKAS 8

Compartir

Nua'dappe' injo ri tana baji' iamo intu sikuanna tau, allangngere pau injo, lananro baji'i lalang ri ati si'nonna na appasulu'i bua baji' lalang rikasabbarang.”

Nua'dappe' injo ri rompo' bunga jabe iamo intu tau maeng injo allangngere pauna Allataala, na lalang ripattimboang situlusu'na laappui bata-bata surang lapakaa'maling-malingi rikakalumannyangang na kasannangang lino jua tuli laboja, sa'genna gele baji' pambuana.

Nua'dappe' injo ri tana demmapara iamo intu tau ri maennamo allangngere pauna Allataala, latarima baji'i, mingka gele anralang aka'na, sinampe' juai tappaki na rihattu latabainna kasukkarang a'bokoimu.

Maeng injo appaui Isa mange ri iyai, ”Ri antee mae katappakammu?” Jari mallakimu na lannasa ngase'i, ampai assikuta'nangi, ”Inai sitoje'na tau inni, nangura akkulle assare parenta mange ri anging surang ri ere injo na tunru' ngase'i mange ri Ia?”

Nua'dappe' injo ri biring lalang iamo intu sikuanna tau maeng allangngere; mingka rie'i Ibilisi laalle pau injo battu ri atinai, solanna gele tappa' surang gele ripakasalama'.

Saba' gele rie' nutassa'bu na gele laripappijanjangang, na gele todo' rie' harasia na gele lariisse' surang laripappiissekang.

Sungka'i lajanjang bahine injo ma'nassana kaissengangi nulageokang injo, annetteremu na mangei a'demporo ri a'rakanna Isa na lapaui ri tau lohe injo apa saba'na na lakarahai Isa na rihattu injo sikali mole garrinna. Jari lakuamo Isa mange ri bahine injo, ”Oe ana'Ku, tappa'mu lapakasalama'ko, muliammoko lalang salama'!”

Jari mange ana'-ana' gurunNa laronrongi Isa, lakua, ”Guru, guru, latallangki!” Jari ambaungi Isa, ampai laga'gara anging surang bombang bakka' injo. Jari luba'mu anging injo na tamparang la'ba injo a'jari sannang.