Versículos bíblicos populares de LUKAS 3

Compartir

Sungka'i maeng ngase'mo ririo tau lohe injo na rihattunna todo' ririo Isa surang riattangngana ngera dowaang, ta'bungkaramu langi' na naungi Nyaha Tangkasa attanja' bangkeng bodo rateang ulunNa. Na kalangngerammu sa'ra battu ri langi', ”Kaumo Ana' Kukamaseang, Kaumo Kungai.”

appihali Yahya na appaui mange ri tau lohe injo: ”Nakke ere jua kupario ri kaui, mingka Ia Tula'bi kahasaang injo battu ri nakke larie'i mae na manna pallekkesi tulu' sandalaNa gelea siratang. Ia lalarioko ri Nyaha Tangkasa surangang api.

Jari, pappijanjangangi panggeokang baji'mu assituru' pajarramu. Akolalo pikkiri lalang ri atimu: Abraham iamo ammanna puwa-puwaba! Saba' nakke appau mange ri kau: Allataala akkulle lapaa'jari ana'-ana'na Abraham battu ri batu-batu inni!

Sadiamu pangkulu ri aka' poong kaju na sikonjo poong kaju gele injo baji' buana larita'bangi ampai ripabuang antama' ri api.”

assimpole rie' ta'ukiri lalang ri kitta' panjanjanna Nabbi Yesaya: ”Rie' sa'ra a'nga'ngara ri parang luara: Pakasadiaangi pa'lalangang ri Karaeng Allataala, lambusiangi pa'lalanganNa. Sikuanna ja'bo' laritambungi na sikuanna bonto surang buttu laa'jari lappara, nualekko-lekko injo larilambusi, nuakka'lo'-ka'lo injo larilappari, na sikuanna tau lanjanjangi kasalamakang battu injo ri Karaeng Allataala.”