Versículos bíblicos populares de Matiö 24

Compartir

‑Balʋa ‑gälɩpaplakʋa ‑gʋ nɩ, ‑wawlakʋlʋ bä ɩa' nyüüa ‑tɔrʋpɩɔ nya sɩɔ paa. ‑Maa nyɔɔlɔ nëmäa' 'wʋsɔɔrɔ ‑sɔrɔ, ‑bɛ 'imäa' bɩa nɩ, 'ɔnya 'lɩmlɩwʋa.

‑Taa 'Kamapläa'Mʋfagogolä kʋa' ‑pɩ nya 'blɩa 'fɩɔa 'mlɩ 'saraa, 'fɩɔwʋ 'kä 'plä nya bɩa.

'Anya toulu 'nyɩa' 'amɩ 'lɩdɛrɩtʋŋlɔ nyra ‑mulu tʋŋlɔa' 'amɩ 'lɩdɛrɩa wii 'wlinua ‑maa 'ana plɛ 'nyɩ ‑taaralɩ; 'ia 'fɩɔlʋ kä 'imä 'lɩjrä. ‑Maa ‑mää bɩarataɩn ‑kaaŋlʋ 'saabä.

‑Glügbö ‑bɛ ‑glügbö nya 'wlitotroa, 'kɩɩ ‑bɛ 'kɩɩ nya 'wlitotroa; ‑gbëka nyra ‑wusu nya ‑pɩɔa 'fɩɔ paa; ‑tʋtʋ nya tɩtrɛa. 'Ia 'fɩɔlʋ nya ‑beere 'ŋlʋʋa ‑gälɩsɔsrɔkʋa 'klɩsa mɩmɩakʋ.

«Cɛ nyra ‑tʋtʋ nya ‑sia, ‑maa 'na mlɩa wii ‑nëmä ‑si ‑a ‑si 'plɔʋ.»

Nyüü 'kɔkɔmlɛ nya 'na 'nyrɩ jaa 'kä 'ünya ji 'kä 'ünya 'daa: ‹'Mɔɔ bä 'Kriisë,› 'kä 'ünya nyüü 'kɔkɔmlɛ 'nyʋfɔ 'wʋ 'ba.

«'A ‑plɩɩ 'ümä 'amɩ nyüü kälɩ 'sara 'amä 'üü ‑sʋɩ kälɩ 'järä 'kä 'ünya 'amɩ 'babla. Nyüülü kä 'fɩɔ 'nyɩa' Nyɔsʋa jre nya 'amɩ 'nyüamlɩjraraa 'na 'nyrɩa ‑gʋ. 'Ia 'taɩn 'lɩ nɩ, nyüü 'kɔkɔmlɛ nya Nyɔsʋa dɛrɩ sɔa; 'ünya dɛrɩ sɔsrɔa 'kä 'ünya 'nyüamlɩjajra. ‑Gbagblɛ nyɔsʋaamlɩpalanyüü 'kɔkɔmlɛ nya jia 'kä 'ünya nyüü 'kɔkɔmlɛ mlüülɩpa.

Jesu nya ‑gbala 'üün: «'Ba ‑tre 'ana nyüfë! Nyɔɔ 'nyɩ 'pa 'amɩ mlüülɩ.

'A 'ia ‑gʋ, 'ana 'mʋgbɛ 'ba ‑ëlere, Nyɔɔa 'Jʋ nya jia 'taɩnlɩ 'kä 'mlɩ 'anyɩa' 'ɔɔn boblo.

'A 'ia ‑gʋ 'anyɩ 'mʋmɔ, 'be 'taɩn 'lɩ kä 'mlɩ 'ana 'Pläkänyɔɔ 'mäa' ji 'anyɩ 'iin jre ‑a jre.

«Dɛɛlɛ bäa' 'ia jrüü 'aiɛ 'ia 'taɩn nɩ, nyɔɔ 'nyɩ 'iin jre ‑a jre; 'aanjëlü bäa' cɛlɩ 'nyɩ 'iin jre ‑a jre. Tʋa 'doo 'ɔɔ jre 'iin.

'N 'paa' 'iin nɩ, ‑gbagblɛ 'kriisë nyra ‑gbagblɛ nyɔsʋaamlɩpalanyüü nya ‑srɩɩ 'lɩbäa. 'Ünya ‑saragbi kpakü nyra plɛklɩkalawii nʋa, 'ünya 'nɩmɩ nyüülü Nyɔsʋa 'baa' 'lɩ mlüü 'lɩpaa ima bä 'ia 'sa.

'Sɩrɩ wii ‑si käa' Noea 'taɩn 'lɩ nɩ, 'asɩ Nyɔɔa 'Jʋa jijitaɩn 'mä bɩa bä. Noea 'taɩn 'lɩ nɩ, 'nʋŋlʋ kpaku ‑ka bä käa' dɛrɩ nɩ, nyüü ma jödɛɛ ‑bɛ 'ü ma 'mlaa 'nʋ, 'ü ma 'tie ‑bɛ 'ü ma 'tie 'üa 'ŋlëkayörü. 'Asɩ 'ü kä kä, Noe nya 'jra kä 'mɩɩa 'mlɩ. 'Üa ‑gbʋʋ 'nyɩ kä 'lɩ ‑a bä bä, 'nʋŋlʋ kpaku nya ji 'unya fa 'üa 'fɩɔ. 'Asɩ 'i nëmä bɩa bä Nyɔɔa 'Jʋa jijitaɩn 'lɩ.