Versículos bíblicos populares de Lukë 9

Compartir

'Ɔnya ‑gbala nyüüa 'fɩɔ: «Nyɔɔ o nyɔɔ 'bataa' 'nyraa 'ɔɔn 'mä 'wʋnyɛrɛ nɩ, ɔ ‑trɔ 'ɔa nyufaa ‑gä, ɔ 'pie 'ɔa krʋa ‑plɩ ‑gälɩ ‑srɩ ‑o ‑srɩ 'kä 'ɔ jö ‑bɛ 'nyraa 'ɔɔn 'mä 'nyɛ.

‑A ‑gbala 'amɩ, nyɔɔ o nyɔɔ 'bataa' 'ɔa 'kläa ‑wälɩtʋtʋkʋ nɩ, 'ɔnya 'ään 'mɔlɔa. ‑Maa nyɔɔ o nyɔɔ 'mɔlɔa' 'ɔa 'klä 'na ‑gʋ nɩ, 'ia nyɔɔlɔa 'klä nya ‑wälɩträäräa.

'Iibäa' Jesu nɩ: «Nyɔɔ ma 'tiere masiilɛ ‑gogloa' ‑tʋtʋ 'lɩ 'kä, ‑bɛ 'ɔma tɛ dɛrɩ nɩ, 'ɔnyɩ nʋnʋdɛɛ Nyɔsʋaa 'kamaplä 'lɩ ‑a kälä.»

Nyɔɔ ma ji 'plä 'wʋa 'bɩɔa 'fɩɔ, ‑bɛ 'ɔa 'klä ma 'wʋ 'ɔɔn kälɩ nɩ, ‑gbaa 'plɛɛ 'u ‑ka kä le?

'Ia ‑gʋ nyɔɔ o nyɔɔ 'mɔɔ ‑bɛ 'na mlɩa wii 'mäa' 'nyüsü 'wʋ kä nɩ, 'taɩn 'lɩ Nyɔɔa 'Jʋ 'mäa' ‑srɩ 'ɔa tʋa 'wliklɩ 'bʋabʋakʋ nyra 'nyüna 'aanjëa 'wliklɩ 'bʋabʋakʋ ja ‑bɛ 'ɔmä ji, 'ɔnya 'ɔa 'nyüsü käa bɩa.

'Ɔnya ‑gbala 'ɔɔn: «'Klʋɛɛa ‑fä kä 'pifa, 'nyisie kä 'dëdrëë, ‑maa Nyɔɔa 'Jʋ 'nyɩ 'wlipiefa ‑a kä.»

'Ɔnya ‑gbala 'üün: «Nyɔɔ ‑o nyɔɔ 'kʋɛɛa' 'lɩ 'samaa 'jʋjɔlɔ kʋa' ‑pɩ, 'na 'nyrɩklɩa ‑gʋ nɩ, 'mɔɔ 'ɔ 'kʋɛɛlɩ bɩa. Nyɔɔ o nyɔɔ 'kʋɛɛa' 'lɩ 'mɩ nɩ, nyɔɔlɔ blɔa' 'mɩ 'ɔɔ 'ɔ 'kʋɛɛ 'lɩ. ‑Mɔlɔ bäa' 'ana 'fɩɔa dɛrɩ 'täpaa nɔ, 'ɔɔ nëmä 'wliklɩa nɔ bä.»