Versículos bíblicos populares de Saŋ 14

Compartir

Me angu, ba hadéko gídekehne, kanda básuumo gíbendukunoonuŋne a hafitenkinan. Básuumo bámár a binaam gafúruntne. Básuumo b’afúruntne a binaam, duniyaŋo inno dapiren anéeroonuŋ. Ninkinan! Waaninteŋ ilaahánan! Dahu ubenuheŋ!

Balóbi nim Yensa aŋoyindem ayéjem: - Ingah! Maŋ me me faŋo ingine binaalo, me ingine marigeno, me ingine kanjébo. Wúur dapiren k'adékum binaal bíduk k'apút imbi Bááhum Díino, fo adékum a binaam.

Angu, Yensa ayéjyej ñantaalibehinem: - Inini ninkinan, waaninteŋ ilaahánan. Fiyinteŋ Díino k’uŋoolineŋ ufiyumemuŋ.

kanda, inini, ii, me ba hadék gídekehne. Ingah! Idoonadir, Bááhum akucundutokunoonuŋ Úkááñinumo m’íloboonuŋe. Úkááñinumo úmár m’íloboonuŋe, úmár ingine Jamméejhu Díino Jarenninno. Aji úfegeŋ n'adékehne bukucundukánan Úkááñinumo, mara n'uguyeŋne ingi me, Úbárám. Angu Úkááñinumo apútodir a binanan, alinninkunoonuŋ a h'élobne nip. Afak alentinkunoonuŋ h'éteekinoonuŋne nip ki nim buku ufiiramaŋ honj.

Ingah! Wúuro m'alahne kawandhum k'abúuña kawando nómár, úmár agune wúuro m'apokuneemne. Wúuro m'apokuneemne, Bááhum mees apokunkunom. Me mees ipokunkuneh wúuro m’alahne kawandhum. Ijellihinkinem faka n'ímiirne.

Te, aji úbuuñaheŋ kawandhum, ikiinaháneh Bááho k'anétoonuŋ Úkááñinum úduk. Úkááñinumo úmár m'ílobumohne aguyhuneh ingi ninkinan baman dagurumaareŋ. Úpájuleŋ, Úkááñinumo úmár, úmár agune Jamméejhu Díino Jarenninno. Jamméejhu Díino Jarenninno, jámár gadékehne bujellihinku moŋon moŋon marigeno ingi ho guyroŋne marigeno imbi ámár Díino. Ingah! Ñammi duniyaŋo m’anjutiyeemne dampiren k’anjah Úkááñinumo, maro dampiren k’anfégem, dampiren k’ampájulám. Kanda ninkinan mungu, úpájuleŋpájul Úkááñinumo úmár, maro ingi ninkinan gagune. Ingah! Ayikhineh bísiba Úkááñinumo aguyhunehne a hafitenkinan.

Ingah! Ninkinan ñantaalibehum, aji ukiinaheŋ Bááhum hogurumaareŋ a barakehum, ikandukunoonuŋ hómár. Nim gikankánehne. Gikaani nim, jamaŋo nip anfékineh bafuku Bááhum a gubaarhu me Úbárám. Túyor k'iŋoolinkin: Aji ukiinaheŋ Díino hogurumaareŋ a barakehum ikandukunoonuŋ.

Yensa abocin ayéj: - Inini ninkinan, aji upokunemuŋpokun, úbuuñahánaŋ kawandhum.

Inini, díku Bááhum awayway dáde. Ingah! Ídekhineh, ídek íjoonindoonuŋ kannokánan. Marigen. Aji hómár yikireŋer díloboonuŋ.

Inini, túyoreŋ k'ídek íjooninditoonuŋ kannokánan. Íjooninditoonuŋ mees, iŋooliner ídek idoohoonuŋ ba bim k'inguyoŋ kantíg ínkánduk. Waaninteŋ ilaahánan mara nim gídekehne bukaano.

Balóbi nim, utaalibeŋo m’aretuhne Toma ayéj: - Umuyhint, mint pájiirimiŋ b'údekehne hadéko. Inini neeraŋ gikankáneminne k'ípájulmiŋ binaalo b’ídekunkuneminne bam bim?