Versículos bíblicos populares de Байбихьи 37

Compartir

Цо нухалъ Юсупида макьу бихьана. Жиндирго вацазда гьеб макьу бицаралдаса хадуб, жеги цӀикӀкӀун рихана гьезие гьав.

Юсуп вукӀана Якъубие хераб къоялъ гьавурав вас. Гьединлъидал цогидал васаздаса цӀикӀкӀун вокьулаан Якъубие гьев ва накъишал угьараб хирияб гурдецин сайгъат гьабуна гьес Юсупие.

Инсуе Юсуп жидедасаго цӀикӀкӀун вокьулев вукӀин бихьун, вацазул гьесдехун рокьукълъи букӀана. Берцинаб кӀалцин кӀалъалароан гьез гьасда.

Цинги нахъеги макьу бихьана Юсупида ва гьебги бицана жиндирго вацазда: «Цоги макьу бихьана дида: бакъги, моцӀги, анцӀила цо цӀваги дида цере суждаялда чӀана!»

Вацазул кӀудияб жахӀда букӀана Юсупидехун, амма инсуца рекӀелъ цӀунана гьес бицараб макьу.

«ГӀенекке, – ян абуна гьес. – Дида бихьараб макьу бицинин! Нилъ руго хурир гул къалел. Цинги дир гул бахъун чӀана, амма нужер гулаз, гьелда сверухъ чӀун, гьелъие сужда гьабуна!»

– ЧӀвазеги чӀван, гьанив цо гвандиниве рехила нилъеца дов ва жанаваралъ чӀванилан абила. Гьебмехалда бихьила досул макьаби кин тӀуралелали!»

Мидяналъул базаргаби аскӀорегӀан щвараб мехалда, вацаз, гвандинисаги вахъун, Юсуп исмагӀилилазе вичана гӀарцул къого шекелалъухъ, ва гьезги гьев Мисриялде вачун ана.

«Доле нилъер макьаби рихьулев чи! – ян абуна гьез цоцазда.

РикӀкӀадасанго вихьана гьезда Юсуп, ва, гьев аскӀове гӀагарлъилалде, гьезул къотӀи ккана вац чӀвазе.

– Би гӀодобе тӀун щай нилъее? Гьедин досде квер борхиялдаса, доле доба гӀицӀаб авлахъалъул бакьулъ бугеб гвандиниве рехун лъикӀ нилъеца дов». (ХӀакъикъаталда гьесие бокьун букӀана Юсуп хвасар гьавизе ва гьев инсухъе нахъ вуссинавизе.)