Versículos bíblicos populares de 1 Коринфын улӥсьёслы 6

Compartir

Уд тодӥське шат, тӥляд мугорды тӥ пушкын улӥсь Святой Духлэн храмез луэ шуыса, Со тӥледлы Инмар дорысь сётэмын. Тӥ асьтэлы асьтэос кузё ӧвӧл, Инмар тӥледлы кузё. Тӥ уго дуно дун тырыса мозмытэмын-басьтэмын. Соин ик мугорыныды но, лулыныды но Инмарез данъялэ, уго соос Инмарлэн сётэмез луо.

Оло нош тӥ уд тодӥське, шонер улӥсьтэмъёс Инмар Эксэйлыке уз пыре шуыса? Ӧрекчаськон пӧлы эн йыроме: азыса-калгыса улӥсьёс но, сульдэръёслы-идолъёслы йыбыртъясьёс но, мурт пиосмуртэн яке мурт кышномуртэн сьӧлыкасьёс но, киынызы азон сьӧлык лэсьтӥсьёс но, пиосмуртэз кышномурт карыса кӧласьёс но, лушкаськисьёс но, мурт ваньбурез капыръясьёс но, юисьёс но, урод кылын вераськисьёс но, сьӧсь муртъёс но – Инмар Эксэйлыке уз пыре!

Азон-калгон сьӧлыклэсь палэнске. Мукет вань сьӧлыкъёс, кудъёссэ адями лэсьтэ, мугорлэн палэназ лэсьтӥське, нош азон-калгон сьӧлык лэсьтӥсь аслаз мугорезлы пумит сьӧлыка.

Мыным котьмар лэсьтыны лэземын, но ваньмыз мыным пайда уг вайы. Мыным котьмар лэсьтыны лэземын, но соос пӧлысь номыр но монэ вормыса улыны кулэ ӧвӧл.

Инмар Аслаз кужыменыз Кузё-Инмарез улӟытыса султытӥз, асьмеды но Аслаз кужыменыз улӟытыса султытоз.