Versículos bíblicos populares de Лыдпусъёс 14

Compartir

Кузё-Инмарлы гинэ пумит эн бугыръяське, со музъемысь калыклэсь эн кышкалэ, сое асьмеос ньыломы ук: утисьсы соослэн ӧвӧл ни, нош асьмемын – Кузё-Инмар; соослэсь эн кышкалэ».

”Кузё-Инмар кема чидась, туж гажась-жалясь, [зэмлыко,] законлы пумит улэмъёсты, йыружъёсты, [сьӧлыкъёсты] куштэ, нош янгышо муртэ вӧсь карытэк уг кельты, атайёслэн законлы пумит лэсьтэм йыружъёссы понна соослэсь нылпиоссэс куинетӥ, ньылетӥ выжыозь вӧсь каре”.

Кузё-Инмар асьмемыз гажаз-жаляз ке, со музъеме асьмеды пыртоз но сое, йӧлын чечыен бызись музъемез, асьмелы сётоз

нош Аслэсьтым Халев ляльчиме со пушкын мукет дух улэм понна, чик шекланытэк Мыным тэрытскыса улэмез понна учкыны-чакланы ветлэм музъемаз сое улыны пырто, солэн кидысэз-выжыез отысь люкет басьтоз

Вера соослы: ”Улӥсько Мон, – шуэ Кузё-Инмар, – кызьы тӥ Мыным кылӥськымон вераськоды вал, озьы ик лэсьто тӥледлы

Соку Кузё-Инмар Моисейлы шуиз: «Кема-а та калык Мынэсьтым вожме поттыса улоз на? Кытчыозь со Мыным оскытэк улоз на, со пӧлын трос паймымон тодметъёс возьматъясько ке но?

вань израиль пиос, вань калык Моисеен Аарон вылэ ӝожтӥськыса улӥзы, соослы шуизы: «Э, ми Египет музъеме кулысалмы ке, яке та луоё кыр дуннее кулысалмы ке!

Соку Навинлэн Иисус пиез, Иефоннийлэн Халев пиез, со музъемез учкыны-чакланы ветлэм муртъёс, вылысьтызы дӥськутсэс кесязы но вань израиль калык азьын тазьы шуизы: «Милям учкыны-чакланы ветлэм музъеммы туж но туж умой

Мон улӥсько, [Мынам нимы ялан улэ,] Кузё-Инмарлэн пиштӥсь данлыкеныз быдэс музъем пачылмемын: ваньмыз Мынэсьтым пиштӥсь данлыкме адӟисьёс, Египетысен, луоё кыр дуннеысен возьматылэм паймымонэсь тодметъёсме адӟисьёс, дас пол ини Мынэсьтым визьме сыналлязы, Мынэсьтым верам кылъёсме санэ ӧз понылэ, соослэн атайёссылы кыл сётыса сӥзем музъемме соос уз адӟе; [соослэн Монэн ӵош ветлӥсь нылпиоссылы гинэ – ӟечен уродэз тодӥсьтэмъёслы, номыр тодӥсьтэм-валасьтэм пичи пиналъёссылы гинэ – музъем сёто, нош] одӥгзы но Мынэсьтым вожме поттӥсьёс сое уз адӟе