Versículos bíblicos populares de Потон 20

Compartir

«Мон – Кузё-Инмар, тынад Инмаред, Египет музъемысь, ляльчиын улон коркась, тонэ Поттӥсь; Мынам азям тынад мукет инмаръёсыд медаз луэ.

Аслыд сульдэр-идол эн лэсьты; мар вань вылӥын – инмын, мар вань улӥын – музъем вылын, мар вань музъемлэн улӥяз – вуын, соослэсь туссэс-суредзэс аслыд эн лэсьты; соослы эн йыбыртъя, соослы ужаса-тыршыса эн улы, уго Мон тынад Инмаред Кузё-Инмар, кылэз юн юась Инмар, атайёслэн янгышъёссы-сьӧлыкъёссы понна соослэсь нылпиоссэс, Монэ адӟонтэм карисьёсты, куинетӥ, ньылетӥ ёзозь-выжыозь вӧсь карисько

Атайдэ но, анайдэ но сӥлы кар, – [тыныд умой мед луоз,] музъем вылын кема мед улод; та музъемез тыныд Инмаред Кузё-Инмар сётэ.

Суббота нуналэз тодад возь, дун-чылкыт ул со нуналэ

Инмаредлэсь Кузё-Инмарлэсь нимзэ юнме эн вера, уго Кузё-Инмар Солэсь нимзэ юнме верась муртэ вӧсь карытэк уз кельты.

куать нунал ужа, [со дыре] вань ужъёстэ лэсьты, нош сизьыметӥзэ – суббота нуналэз – Инмаредлы Кузё-Инмарлы сӥзь: со нуналэ номыр но эн ужа тон ачид но, пиед но, нылыд но, ляльчиед но, ляльчи кышномуртэд но, [ошед но, ишакед но, нокудӥз] пудоед но, тынад коркад улӥсь сьӧрлось лыктэм мурт но

Муртлэсь корказэ аслыд кулэ эн кары; муртлэсь кышнозэ но, [солэсь бусызэ но,] солэсь ляльчизэ но, солэсь ляльчи кышномуртсэ но, солэсь ошсэ но, солэсь ишаксэ но, [солэсь нокыӵе пудозэ но] – маиз вань, солэсь номырзэ но аслыд кулэ эн кары».

Мукет мурт вылэ ӧвӧлзэ вань карыса эн вера.

Азон-калгон сьӧлыке эн пыры.

Эн виы.

Эн лушкаськы.