Versículos bíblicos populares de Mateus 24

Compartir

Na shoka uurunde tau ku udirira, ohore hojendji otahi ka shushua. Ndere ngu ti ididimike sigo eshuriro, ota ku upicua.

Evangelium ndika rjotshirongo otari ku uvicirua uujuni aushe, ri tshiuicire aantu ajeshe; eshuriro rjo otari ja nduno.

Otamu ku uva iita neemurombo diita, nde tareni, kamu mbandare, oshoka ajishe onaji ningua, ndere natango eshuriro inari cika.

Oshoka otshiguana otatshi ka cikama tshi kondjice otshiguana, notshirongo notshirongo otsho tuu, eemukici eemudigu nondjara nomakekamo gevi otage ke ja, okeemukunda no keemukunda. Ajishe mbiono etameko ouara rjuuhehame.

Eguru nevi otari shuru po, ndere eehapu dandje kadi shura po.

Oshoka ojendji otaa ke ja medina rjandje, nde taa ti: Onga’Kristus, nde taa ka pukica ojendji.

Jo otaa ke mu gandja miishuna, jo taa ke mu dipaga, ne tamu ka tondikua komarudi ageshe moru edina rjandje. Nojendji otaa ka rimbirirua, taa ka popacana, jo taa ka tondacana. Otaku ja aaprofeti jiirombo ojendji, jo taa ka pukica uo ojendji.

Jesus te ja jamukura: Tareni, inamu pukicua nand’ okomuntu.

Ano kareni, mui irongikida, oshoka Omuna guOmuntu one ja pecimbo kamu ri tshi.

Ano rungameni, oshoka esiku rjokuja kua Muene kamu ri tshi.

Ndere esiku necimbo ndija kape nomuntu e ri tshi, naajengeli uo, Tate ohike tuu.

Oshoka ookristus jiirombo naaprofeti jiirombo onaa ja, jo taa ka ronga omadidiriko niirongankondo, opo aahogororua uo ja pukicue, mpa tatshi pondokere.

Ngashi tsha ningirue muujuni ua Noa, otsho uo okuja kuOmuna guOmuntu. Ngashi petango rjejeru, manka inari cika, aantu ja ri taa ri, taa nu, taa hokana, taa hokanua sigo okesiku ndija Noa sho a hire metembameja. Ndere inaa dimburura tsha, sigo ejeru rje ja, rjo tari kuca po ajeshe; otsho tatshi ningua pokuja kuOmuna guOmuntu.