Versículos bíblicos populares de Marko 4

Compartir

Oun yob stas pre, oun das ko zorelo dourho trad, oun penas ap ko baro pani: “Ač! Mouk tele!” Oun ko zorelo dourho phourdas bouder gar, oun o baro pani das bouder kek gole. Oun yob penas ap lende: “Hoske trashenn t'mer yaake? Hi t'men kek patsepen?”

Oun kolen vas i bari traash, oun yon penan mank pende: “Koon hi ko morsh? Ninna o zorelo dourho oun o baro pani shounenn ap leste.”

Oun o Yezous his pal an o bero, oun sovas ap i pernitsa. Oun yon djangran les pre, oun penan ap leste: “Sikepaskro, poučeh tou gar koy pal, kay mer tassah?”

Oun yob penas ap lende: Denn garda ap kova, hoy t'mer shounenna! Te shounenn gar mishto, hoy penau, hayvenn kova gar. Te shounenn mishto, hayvenn kova ninna mishto. Oun o Devel krell t'maro dji pre, te hayvenn gomme feteder.

Oun o Yezous penas: Te kharell o Devel menshen pash peste, te djan le ap leskro drom, hi kova yaake, har te čivell i harho tikno djob ap i phoub. Haki rati čivell lo pes tele, oun taysarlake stell lo pale pre. Oun ko tikno djob djal pre oun vell baro, oun ko morsh djinell gar, har kova lauter djala.

Moukenn kova an t'maro shero trouyel te djal!