Versículos bíblicos populares de Рим 8

Compartir

Ме палена: Юмым кӧ йӧрата да кӧм Тудо шке эрыкше почеш ӱжын‚ нунылан чылажат порылан лиеш.

Вет мый ӱшанем: Господьна Иисус Христос гоч Юмын мыланна ончыктымо йӧратымашыж деч колымашат‚ илышат‚ Суксо-влакат‚ Тӱҥалтыш-влакат‚ Куат-влакат‚ кызытсат‚ ончыкылыкат‚ кӱкшытат‚ келгытат‚ Юмын ыштыме нимоат мемнам ойырен огыт керт.

Шӱлышат мыланна, начар-влаклан, полша‚ вет мо нерген да кузе кумалшашымат ме огына пале. Шӱлыш Шкежак каласен мошташ лийдыме шӱлалтыш дене мемнан верч тырша.

Ме тидлан мом каласена? Юмо мемнан верч гын‚ кӧ мемнан ваштареш лийын кертеш?

Тыгеракын‚ кӧмыт Христос Иисус дене ушнен шогат да кап ден чонын йодмышт почеш огыл‚ а Шӱлыш почеш илат‚ нунылан ынде нимогай судитлымашат уке.

Кап ден чонын шонымыжо – колымаш‚ а Шӱлышын шонымыжо – илыш да тыныслык.

Но мемнам Йӧратышын полшымыж дене ме чыла годымат сеҥымашке шуына.

Мый ӱшанем: мемнан илышыште почылтшаш чап дене таҥастарена гын, кызытсе жапыште орланыме – нимо.

Юмын йӧратымыж деч кӧ мемнам ойырен кертеш? Йӧсӧ але нелылык‚ поктылмаш але шужымаш‚ вургем ситыдымаш але шучкылык‚ але керде?

Шӱлышын шонымыжым шӱм-чоннам шымлыше Юмо пала‚ вет Шӱлыш святой-влак верч Юмын эрыкше дене келшышын тырша.

Кӧм Юмын Шӱлыш вӱда, чылан Юмын эргыже улыт.

Кап ден чон йодмо почеш илыше-влак кап ден чонысо нерген веле шонат‚ а Шӱлыш почеш илыше-влак – Шӱлыш дене кылдалтше нерген.

Тудо шке Эргыжымат чаманен огыл, но чыланна верч пуэн гын‚ Тудын дене пырля мыланна чыла молымат ок пӧлекле мо?

Юмын шочшыжо улмынам Юмын Шӱлыш Шкежак мемнан шӱм-чон шӱлышна дене таныкла. Шочшыжо улына гын‚ тугеже тыгак наследник улына‚ Христос дене пырля Юмын наследникше улына. Ме Христос дене пырля орланена гын‚ Тудын дене пырля чапышкыжат шуына.

Кап ден чонын шонымыжо Юмын ваштареш тушманлымаш лиеш‚ вет тудо Юмын законым ок колышт да колыштынжат ок керт.

Юмын ыштыме уло тӱня Тудын икшывыж-влакын чапланен почылтмыштым вученак вуча‚

Ме палена‚ Юмын ыштыме уло тӱня кызыт мартеат кечкыжеш да орлана.