Versículos bíblicos populares de ꤜꤢꤨꤊꤢ꤬ 2

Compartir

ꤣꤧ꤭ꤒꤣ꤬ꤞꤢꤩ꤭ ꤘꤣ ꤋꤢꤨ꤭ꤘꤢ꤬ꤠꤤ꤬ ꤢ꤬ꤠꤤ꤭ꤊꤢꤨ꤭ ꤔꤣꤧ꤬, ꤖꤚꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢ꤬ ꤙꤢꤧ꤬ꤡꤢꤩ꤬ ꤗ꤫ꤢ꤬ꤟꤣꤧ ꤋꤚꤤ ꤣꤧ꤭ ꤟꤢꤧ꤭ ꤥ꤬ ꤖꤢꤨꤡ꤫ꤢꤩ꤬ꤜꤢꤧ꤬ ꤟꤣꤧ꤯

ꤗꤢ꤬ꤔꤢꤧꤚꤣꤧ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤞꤤꤤ꤬ꤏꤢꤩ꤭ ꤒ꤫ꤢꤧ꤬ꤗꤢꤩ꤬! ꤠꤢꤧ꤭ ꤖꤛꤢꤟꤢꤧ꤭ꤔ꤫ꤤ꤬ ꤟꤣꤧ ꤕ꤫ꤢꤩ꤬ ꤞꤤ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ ꤞꤤꤋꤚꤢꤦ꤭ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤢꤨ꤭ꤕꤝꤢ꤭꤮ ꤖꤚꤢꤩ꤬ ꤕꤢ꤭ ꤣꤧ꤭ꤔꤣꤧ꤬ꤟꤣꤧ꤯

“ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ ꤓꤢꤨ꤬ꤞꤢꤩꤓꤢꤧ꤬ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤥ꤬ ꤘꤣ ꤜ꤫ꤢꤩ꤬ꤥ꤬ꤓꤢꤧ꤬ꤜꤥ꤭ ꤒꤣꤧ꤬ꤘꤢꤦ꤬ꤜꤣ ꤢꤨ꤭ ꤘꤣ ꤗꤢꤪꤋꤢꤨ꤬ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤕꤥ꤮꤯ ꤒꤢꤩ꤬ꤖꤚꤢꤩ꤭ꤒꤢꤩ꤬ꤘꤢꤦ꤭ ꤔꤢꤧ ꤒꤢꤩ꤬ꤒꤣꤧ꤬ꤡꤣꤧꤒꤣꤧ꤬ꤡ꤫ꤢꤨ꤬ ꤊ꤫ꤢꤦ꤬ ꤥ꤬ꤓꤢꤧ꤬ ꤊꤣꤧ꤭ꤘꤢꤦ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤥ꤬ꤒ꤫ꤣ꤬ꤊꤣꤧ꤭ꤘꤢꤦ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤞꤤꤕꤜꤢꤪ꤬ ꤥ꤬ꤚꤣꤧ ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯”

ꤛꤢꤩ꤬ꤏꤛꤢꤨ ꤘꤢꤨ꤬ꤓꤢꤧ꤬ ꤜꤣꤙꤢ꤭ ꤔꤢꤧ ꤒꤢꤩ꤬ꤞꤤꤒꤢꤩ꤬ꤖꤢꤩ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤗꤢꤧꤗꤥ꤭ꤗꤢꤧꤘꤢꤨ꤬ ꤚꤣꤧꤘꤢꤦ꤬ ꤜꤢꤨ꤭꤯

ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤖꤢꤨꤡ꤫ꤢꤩ꤬ꤟꤢꤨ ꤒꤣ꤬ꤖꤚꤢꤩ꤬ ꤕꤢ꤭, ꤚꤣꤧ꤬ ꤢꤨ꤭ ꤖꤢꤧꤕꤜꤢꤦ꤭ ꤜꤢꤨ꤭ ꤔꤢꤧ ꤤ꤬ꤊꤢꤩ꤭ ꤚꤣꤧ꤬ ꤢꤨ꤭ ꤘꤢꤧ꤬ꤥ꤬ꤗꤣꤧ꤭ꤒꤢ꤭ ꤢ꤬ ꤘꤣ ꤕ꤫ꤢꤨ꤬ꤊꤜꤥꤊꤢꤨ꤭ ꤔꤣꤧ꤬ ꤕꤢ꤭꤯ ꤞꤤ꤭ ꤊꤢꤩ꤬ ꤗꤢꤧꤓ꤫ꤣꤧ꤬ ꤟꤢꤨꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤖꤢꤨꤡ꤫ꤢꤩ꤬ꤟꤢꤨ ꤘꤣ ꤠꤢꤧ꤭ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤞꤤ꤭ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤟꤣꤧ꤯”

ꤜ꤫ꤢꤩ꤬ꤥ꤬ ꤒꤣꤧ꤬ꤠꤤ꤭ꤒꤣꤧ꤬ꤠꤢ꤬ ꤙꤣꤧꤔꤣꤧ꤬ ꤒꤣ꤬ꤖꤥ꤬ꤔꤣꤧ꤬, ꤖꤚꤢꤩ꤬ꤊꤢꤩ꤭ꤞꤤꤗꤤ꤬ꤖꤢꤨ ꤥ꤬ ꤒꤣꤧ꤬ꤟꤢꤩ꤬꤯ ꤛꤢꤩ꤬ꤞꤤ꤭ ꤟꤢꤧ꤭ ꤥ꤬ꤗꤣꤧ꤭ꤕ꤫ꤢꤪ꤬ ꤚꤣꤧꤘꤢꤦ꤬ ꤢ꤬ꤞꤤꤗꤤ꤬ꤖꤢꤨ ꤒꤣꤧ꤬ꤟꤢꤩ꤬ ꤘꤣ ꤗꤤ꤬ꤊꤜꤢꤩ꤭, ꤘꤣ ꤊ꤫ꤢꤩ꤬ꤘꤢꤦ꤭ꤊꤢꤨ꤭ ꤒꤣ꤬ꤖꤥ꤬꤯ ꤙꤣꤧꤔꤣꤧ꤬ꤢ꤬ꤋꤢꤩ꤭ ꤙꤢꤧ꤬ꤡꤢꤩ꤬ ꤢ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤒꤣ꤬ꤖꤚꤢꤩ꤬ ꤟꤢꤧ꤭ ꤥ꤬ꤜꤥ꤭ꤓꤢꤧ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭, ꤚꤣꤧ꤬ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤒꤣꤧ꤬ꤟꤢꤩ꤬ ꤜꤤ꤭ ꤒꤣꤧ꤬ꤠꤢ꤬ ꤜꤢꤪ꤭ꤕꤜꤤ꤭ ꤛꤢꤩ꤬ꤞꤤ꤭ ꤚꤣꤧ꤬ ꤛꤢꤩ꤬ꤞꤤ꤭ ꤞꤤꤤ꤬ꤏꤢꤩ꤭ ꤒꤣꤧ꤬ꤚꤢꤪ꤬ꤞꤢꤩ ꤜꤢꤪ꤭ꤕꤜꤤ꤭ ꤡꤣꤧ꤯