Versículos bíblicos populares de ଲୁକ 3

Compartir

ଡୁବନ୍‌ହିନି ଯୋହନ ଜଇଲ୍ ଇଞ୍ଜ ବନ୍ଦିଆୱି ଆଗେ ୱିଜାକାର୍ ଯୋହନତାଙ୍ଗ୍ ଡୁବନ୍ ଅଜିମାଚାର୍। ହେପାଦ୍ନା ଯୀଶୁ ପା ୱାତାନ୍ ଆରେ ଯୋହନତାଙ୍ଗ୍ ଡୁବନ୍ ଅତାନ୍। ଯୀଶୁ ପାର୍ତାନା କିନିହିଙ୍ଗ୍ ସରଗ୍ ଜେୟା ଆତାତ୍। ପବିତ୍ର ଆତ୍ମା ସରଗ୍‌ତାଙ୍ଗ୍ ପାର୍‌ୱା ଲେକେ ତା ଜପି ୱାତାତ୍। ଆରେ ଈଶ୍ୱର ସରଗ୍‌ତାଙ୍ଗ୍ ଯୀଶୁଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନା ଲାଡ୍ ମାଜି, ଆନେଙ୍ଗ୍ ନିତାକେ ବେସି ୱାରି।”

ହେପାଦ୍ନା ଡୁବନ୍‌ହିନି ଯୋହନ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ତ ମିଙ୍ଗେଙ୍ଗ୍ ଏଜୁକାଙ୍ଗ୍ ଡୁବନ୍ ହିଦ୍‌ନାଙ୍ଗା, ନା ପାଚେ ଇନେର୍ ୱାନାନ୍, ହେୱାନ୍ ବେସି ସାକ୍ତିକାଟାକାନ୍ ହେୱାନିଙ୍ଗ୍ ଆନେଙ୍ଗ୍ ଚାକର୍ ଲେକେ ଆଜି ତା କାଲ୍‌ନି ପାଣ୍ଡାୟ୍ ଗାଟି ରିକ୍‌ତେଙ୍ଗ୍ ସାମାନ୍ ଆକାୟ୍। ଆନେଙ୍ଗ୍ ମିଙ୍ଗେଙ୍ଗ୍ ଏଜୁକାଙ୍ଗ୍ ଡୁବନ୍ ହିଦ୍‌ନାଙ୍ଗା, ମାତର୍ ହେୱାନ୍ ମିଙ୍ଗେଙ୍ଗ୍ ପବିତ୍ର ଆତ୍ମା ଆରେ ନାଣିତାଙ୍ଗ୍ ଡୁବନ୍ ହିଦ୍‌ନାନ୍।

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଡ ଆରେ ହାର୍ଦି କାମାୟ୍ କିୟାଟ୍। ଏପେଙ୍ଗ୍ ଏଲେଙ୍ଗ୍ ମାନ୍ତ ବାବିକିମାଟ୍, ଆପେଙ୍ଗ୍ ତ ଅବ୍ରାହାମ୍‌ ମେହି ଈଶ୍ୱର ମାଙ୍ଗେଙ୍ଗ୍ ଦଣ୍ଡ୍ ହିଦୁନ୍ ଇଞ୍ଜି। ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ‘ଈଶ୍ୱର ଅବ୍ରାହାମ୍‌ କାଜିଙ୍ଗ୍ ଇ କାଲ୍‌କୁକାଙ୍ଗ୍ ପା ତା ହିମ୍‌ଣାୱାକ୍‌ଡ଼ା ଉବ୍‌ଜାଇ କିଦେଙ୍ଗ୍ ଆଡ୍‌ନାନ୍।’

ଟେଙ୍ଗିଆ ଆସ୍ତି ମାର୍ କାଦ୍‌ଦେଙ୍ଗ୍ ଜାଗ୍ରତ୍ ଆଜି ମାଚିଲେକେ ଈଶ୍ୱର ପା ପାପ୍ କାମାୟ୍ ପିସ୍ତି ମାପୃତାକେ ୱାୱିତି ମାନାୟାରିଙ୍ଗ୍ ଦଣ୍ଡ୍ ହିଦେଙ୍ଗ୍ ଜାଗ୍ରତ୍ ଆତାନ୍‌ନା। ର ପାଡ଼୍‌ ଆହ୍‌ୱି ମାର୍‌ତିଙ୍ଗ୍ ଇନେସ୍ ମାର୍ କାତ୍‌ନି ମାନାୟ୍ ଇନେସ୍‌ଲେକେ କାଦ୍‌ଦି ନାଣିତାକେ ତୁସିହିନାନ୍‌, ହେଲେକେ ଇମ୍‌ଣାକାନ୍ ହାର୍ଦି କାମାୟ୍ କିଉନ୍ ହେୱାନିଙ୍ଗ୍ ଈଶ୍ୱର ଦଣ୍ଡ୍‌ହିଜି କାଚାଆନି ନାଣିତାକେ ତୁହିହିଦ୍‌ନାନ୍।”

ଭବିଷ୍ଯତବକ୍ତା ଯିଶାୟ ତା ସାସ୍ତର୍‌ତାକେ ଲେକିକିତି କାତା ପୁରା ଆଦେଙ୍ଗ୍ ଇଲେକେ ଆତାତ୍, “ଟାଙ୍ଗ୍ରାବାହାତାକେ ରକାନ୍ ମାନାୟ୍ ଗାଜାକାଟ୍ କିଜି ୱେଚ୍‌ଚାନାନା, ‘ମାପୃ କାଜିଙ୍ଗ୍ ହାଜି ରହାଟ୍। ଆରେ ତା ହାନି ହାଜି ହାଣ୍‌କୁ କିୟାଟ୍। ୱିଜୁ ଉଚ୍ କଡ଼ି ବାଲିଆ ବାଟାତିଙ୍ଗ୍ ହାମାନ୍ କିୟାଟ୍। ୱିଜୁ ମାଡ଼ି ଗିଡ଼୍‌ଗିତିଙ୍ଗ୍ ହାମାନ୍ କିୟାଟ୍। ବାଙ୍ଗ୍‌ଟା ହାଜି ହାଣ୍‌କୁ କିୟାଟ୍ ଆରେ ଉଚ୍ କଡ଼ି ହାଜି ୱିଜୁ ହାମାନ୍ କିୟାଟ୍। ଈଶ୍ୱର ଇମ୍‌ଣି ଉଦାର୍ କିଦ୍‌ନାକାନିଙ୍ଗ୍ ପକ୍ତାନାଙ୍ଗ୍ ଇଞ୍ଜି ମାଚାନ୍ ହେୱାନିଙ୍ଗ୍ ୱିଜାକାର୍ ହୁଡ଼୍‌ନାର୍।’ ”