Versículos bíblicos populares de Nugana 17

Compartir

Ta ni‘atu Aberamo ‘ana tuta iakwara ‘e naineti‐naine, ga Ieoba Aberamo ‘ena ‘i apwesa, ta ‘ena ‘i ona, ‘Abo‘agu Eaubada Toewaiwaisana; mataguia ‘u da tauia, ta ‘u da bobo‘ana maibo‘ana.

Ta gea‘abo wate ‘amu esana Aberamo ta ‘amu esana i da Aberaamo; ni‘atu ia bubuio ‘asa iau‘ena‘ina tamadi ta ‘enega.

Ta ‘igu ona‘upa‘upa ia da sa‘u ‘eguia ta ‘emuia ta tubumuao murimuia ‘idi epatatomota ‘edia be ‘i da ona‘upa‘upa ‘ataia, be ia da Eaubada ‘emuia ta tubumuao murimuia ‘edia.

Manugu, u ‘ita, ‘igu ona‘upa‘upa ma‘ieaio, ta ‘oio ‘u da ‘asa e iau‘ena‘ina tamadi.

Ta Eaubada ‘i gwae, Nigea, ta Sara mwaneio natuio me‘olotona ‘i da enatunena; ta ‘u da eesena Isaako: ta ‘igu ona‘upa‘upa ia da sa‘u ma‘ieana ona‘upa‘upa ‘ataia manuna tubunao manudi murinega.

Ta ‘asa nina ‘imu ‘ebetauia dadana, ‘asa Kanania maibo‘ana, ia da ‘ebwaemu, ta tubumuao murimuia ‘edia, ‘egu‘eguia ‘ataia manuna; ta ‘abo‘agu ia da e ‘idi Eaubada.

Ga Aberaamo ‘i be‘u sanamwa‘uta, ta ‘i edagi, ta ‘atenega ‘i gwae, Tauna ‘ana tuta iakwara ‘e anaredi goama ‘ena ‘i da tubua nai? ta Sara, tauna ‘ana tuta iakwara ‘e naineti, ‘i da enatuna nai?

Ta Eaubada Aberaamo ‘ena ‘i ona, Sarai mwaneio manuna, gea‘abo ‘ana esana u ‘ina‘inana Sarai, ta ‘ana esana Sara.

Ta bwarami matana esiona wa da daba; ta ‘i da ona‘upa‘upa ‘ana we‘iwe‘iiaia ‘eguia ta ‘emia.

Ta ‘igu ona‘upa‘upa Isaako ma‘ieana ia da sa‘ui, tauna Sara ‘i da enatunena ‘emuia gete tuta nina iakwara nina ‘i memai ‘enaia.

Ta tauna ‘ana tuta asiata ‘e eta ‘emia ‘i da daba, me‘olotodi iaudi ‘imi epatatomota ‘edia, tauna ‘imu susu ‘ena ‘i tubua, nai tauna to‘u‘umara ‘enega wa gimwagimwanena maniega, tauna nigea tubuio. Tauna ‘imu susu ‘ena ‘i tubua, ta tauna ‘u gimwaniena ‘imu maniega, si da daba: ta ‘igu ona‘upa‘upa esiomi ‘ena ‘i da miami ona‘upa‘upa ‘ataia manuna.