Versículos bíblicos populares de Elōg-Lóma 7

Compartir

Eɓégɛ ɛ́ ɓɛ́ la Ɔlolómɛ̄ nyɔ́ a ŋga kɛ́ li ɓɔŋ náŋ li loole la Yésus Kilístus Ɛtáŋɛ wahá. Mā-ntámɛ́ hɔ́ nyɔŋ. Mú, eyí yáma ɛ́g óm ma lí ógle lí mbéndá Ɔlolómɛ̄, wóŋóó ki nyuú yáma ɛg óm ma lí ógle lí mbéndá nyí aɓé.

Kasig mi ŋga yí nɛ́ átē wama, náŋ ɛnɛ átē a nyúū yáma á líɓɛ́ɛg lí mut-a-binam, m̀ɓɛɛŋ a sē ɓé múŋ. Kóó ɛ lɛ̄ ma nɛ́ mi ɓɔ̄ŋ m̀ɓɛɛŋ, ndí mi ŋgá la ɓé ma

átɔm nɛ́ m̀ɓɛɛŋ mi byɛɛ́ kóó lí ɓɔŋ, ah wɔ́ ɓé nɛ mi ŋga ɓɔ̄ŋ, aɓé ki miíh byɛ́ɛ̄ ɓé ma kóó lí ɓɔŋ, wɔ́ ja nɛ́ má mi ŋga ɓɔ̄ŋ.

Kíyáɓɛ́ ki nɛ́ jam mīh byɛ́ɛ́ ɓé ma kóó li ɓɔŋ, jɔ́ nɛ́ mi ŋga ɓɔ̄ŋ, ɛnɛ ah la mā-mɛn ɓé nɛ mi ŋga ɓɔŋ náŋ, ndí aɓé nyú wá nyɔŋán ma nɛ́ á ŋga ɓɔ̄ŋhanɛ bíŋ byoóm.

La náŋ, ma sɔ̄m nɛ, náŋ a lɛ ma kaa mbéndá nɛ, kí mi byɛɛ́ kóó li ɓɔŋ lí m̀ɓɛɛŋ, aɓé nɛ á ŋga tɛ́lɛ ma á ɔ́sū, kí múŋ átē wama, mbéndá Ɔlolómɛ̄ ɛg nyɛɛle ma.

Kíyáɓɛ́ hɔ́ nɛ jam mīh byɛ́ɛ́ ɓé ma kóó lí ɓɔŋ, jɔ́ nɛ́ mi ŋga ɓɔ̄ŋ, ɛnɛ mag yéɓé yé mbéndá ɛ ŋga lága, mag lem nɛ́ ɛ lɛ élɔ́ŋgɔ jam.