Versículos bíblicos populares de Elōg-Lóma 2

Compartir

Ɔg ɔ́ŋɔ nɛ́ wā mut ɔ ŋgɔ kááhɛ ɓot bí ŋga ɓɔ̄ŋ nyíŋ nyaa mām kí ɔg ɓɔŋ nlemlem á jam, ɓaá ekɔ́ghɛ Ɔ́lolómɛ̄ ɛ́g kɛ wa lí yíg é? Tɔ nɛ́ nlohanɛ́ a elɔ́ŋgɔ m̀mím yé Ɔlolómɛ̄ nɛ ɔ ŋgɔ yáŋa, tɔ nɛ́ ɔg yaŋa ja éɔ̄hánɛ yɛ́ɛ́ la m̀mím wɛ́ɛ́ á ŋgɔ́ɔ́ ɛ́h ɓɛ́ ɓé wā lí yí nɛ́ yéŋ elɔ́ŋgɔ yɛ́ɛ́ m̀mím nɛ ɛ́ ŋga tíi wa eceg nɛ́ ɔ véŋé bílɛ̄m é?

Á mɔ́ɔ̄nyɔ̄ŋ, wá nyɔ́ ɔ ŋgɔ kááhɛ ɓáŋá ɓátām ɓaá kwɛlene, tɔ̄ wa ɓɛ́ nzáá, ɔ ŋgɔ́ kɛ ɓé lí kuh lí élaakɛ, átɔm nɛ́ eceg ɔ ŋgɔ kááhɛ ɓot ɓatám, ndí ɔg ɓɔŋ nlemlem kaa ɓɔ́, wā-mɛ̄n ɔg pámɛ mbag nyí ŋkál wɔ́ɔ.

átɔm nɛ́ Ɔlolómɛ̄ a ŋgá tɔ́tɔ ɓé tɔ mut.

Ákaa ɛ́sɛ, ah ɓot bísɛ bí ŋga ámblé yé mbéndá ɛ ŋga lága ɓé nɛ bí tɛ́ɛ́ sim ɔ́sū ví Ɔlolómɛ̄, ndí ɓá bí ŋga yáhɛ yé nyíŋ mbéndá ɛ ŋga lága.

Múŋ á víŋ ɔlɔ́, ag kɛ li sála lí mut sig li oŋle la miɓɔŋɔg mɛ́ɛ́.

Ndí, ɓandɔ́gɓéne nyɛ́ Ɔlolómɛ̄, ɓatɛ́ŋgánɛ mbálɛ, la ɓatiŋɓe á mam míh tɛ́ɛ́ ɓé, Ɔlolómɛ̄ ag kɛ ɓɔ́ lí étɛ lí ɔ́ūn vɛ́ɛ́, kasig bí ŋga nyɛɛle ɓé nyɛ.

Ndí, ákaa ɔ ŋgɔ lēt m̀mú, ɔ ŋgɔ́ tɔ́ɔ́ ɓé ki li veŋe lí bílɛ̄m, ɔg yáŋlé wā-mɛ̄n nlohanɛ́ a ndutu á ɔ́lɔ̄ Ɔ́lolómɛ̄ a ŋga kɛ́ li páha lí ɔ́ūn vɛ́ɛ́, la li yɛ́ɛ́léne lí ɓot nɛ́ nyɛ́ nɛ́ a lɛ̄ ŋ̀kááhɛ a tɛ́ɛ́.