Versículos bíblicos populares de Mark 12

Compartir

Jesus in zo a, “A thupibel sia hisia hi, ‘Israel awng, ngai vun! Topa ih Pathian sia ama bekma Topa ahi hi. Topa na Pathian sia na thin theampo, na thaa theampo, na ngaisutna theampo le, na thatang theampo taw it in.’ A niina a thupibel thupiak sia, ‘Nangma le nangma na ki it bangin na innpaamte it in’ Hite nii sangin a thupizaw thupiak dang om ngawl hi,” ci hi.

Ama in nungzuite sam in, “A tatakin ka ci ciang midangte sangin, hi meingongnu in tam khia zaw hi. Banghang ziam cile a dangte in a nei vaal a lamh vaal uh teng khia uh hi, ahihang hi meingongnu in a zawn kawm pan, a nei theampo khia siat hi — a nuntak a kivaak natu a nei sun teng pia siat hi,” ci hi.

Biakinn sum kholna hui ah Jesus a to laitak, ama in mihingte sumkhiak zia en hi. Sumhau tam mama in sum tam ma khia uh hi; tuaciangin a zawng meingongnu khat hong pai a, pya khat tang taw a kikim dangkasan pheak nii khia hi.

Tuaciangin mihingte in Pathian sia a thin theampo, a ngaisutna theampo, le a thatang theampo taw a it tu uh kul hi; tuaciangin ama a ki it bangma in a innpaamte a it tu kul hi. Pathian tungah nganhing taw biakpiaknate le a dang biakpiaknate sangin, hi thukham niite zui tu thupi zaw hi,” ci hi.

Tua ahikom Jesus in, “Tua ahile pha hi, Kumpilianpa ii neisa sia Kumpilianpa ma pia vun, Pathian ii neisa sia Pathian ma pia vun,” ci hi. Tuasia ciangin amate in Jesus sia lamdang sa uh hi.