Versículos bíblicos populares de Pusuana 7

Compartir

TOPA in, “Kumpipa mai ah nang, Pathian bangin kong vawt tu a, na suapuipa Aaron in na kamsaang bangin ama paupui tu hi.

Ahizong kumpipa a thin ka sahsak tu a, Egypt ah a lauhuai na tam mama vawt kaleng awlmawk ngawlin na thuson hong ngai ngawl tu hi. Tuasia ciang Egypt te tungah nasia takin daan ka pia tu a, ka mite ii minamte tua ngam pan ka pusuapui tu hi.

Keima in ka khut laam in Egypt te tungah ka thahatna ka lak ciang le Israel te a ngam pan ka pusuapui ciang, Egypt te in TOPA ka hina hong he tu uh hi,” ci hi.

Tuasia ciang kumpipa in a mipilte le mitbum thiamte samin a mitbum thiamna taw a kibangma in vawt uh hi. Amate in a ciangkhutte lawnin ngul suak siat hi. Ahizong Aaron ciangkhut in amate aa teng valh hi.

Tu in kumpipa awng, TOPA akua hi cisia ama nasep tu sia taw na mu tu hi TOPA in hong ci hi. En in, hi ciangkhut taw nguntui ka saat tu a, nguntui chisan suak tu hi.

“Kumpipa in, hong ki up thei natu in, nalamdang khat hong lak tavun, hong cile, nangma Moses in Aaron tungah a ciangkhut la a sawl in kumpipa mai ah lawnsak lete, tuasia ngul khat suak tu hi,” ci hi. Tua ahiciang Moses le Aaron kumpipa kungah pai in TOPA thupiak bangin seam uh hi. Aaron in kumpipa le a uliante mai ah a ciangkhut lawn a, ngul khat suak hi.