Versículos bíblicos populares de Makaabon 7

Compartir

Tohuk lakal YALLI Gidqoonuk iyyeemih, «Atu lito mari mangoh; a axxul le mari inkih carbit engellaay woo carbil eessa iyyeh ken tekkek, isinni mangah geen iisa keenit ceelele ikkal, anu keenih ecee iisa keenit maceltaay; galto yoh elle magacsan.

Too waqdi YALLI Gidqoonuk iyyeemih, «A sidiica boolih numuy lee gabah kumusak aaqabuk sugeenihiyyah gabat, Miidiyan marak sin aysiiseyyok, raqqa 'ye marak inkih buxah uduura inxic» iyye.

Tonna-leemiik keenik intaamah, ‹Nanu a Gilqad qalel elle aadenno'mmay, meysita num siinit yenek, wadirih isi buxa fan yaduuray› keenik inxic» iyye. Usuk toh keenik iyye waqdi, labaatanna kee namma alfih num yuduureeh; tabna alfih num elle raaqe.

Tohuk lakal YALLI Gidqoonuk iyyeemih, «Uxih sinam kok mangohuk, lee elle tani'kke fan ken beyaay; anu wokkel ken koh tittak baxseyyo. Anu ‹Ama num ko'lih gexay xic› akak axce num ko'lih gexay inxicaay, ‹Ama num ko'lih gexe waay› akak axce num isi'lih gexe kal» kaak iyye.

Tohuk lakal Gidqoon woo mara lee fanah beeh; YALLI too waqdi kaak iyyeemih, «Lee gabal yaaqube mara kee, gulubuh gacca 'yeh afah elle radeh yaaqube mara tittak baxis» kaak iyye. Tokkel lee gabah kumusak yooqobe mari sidiica boolih gid yekkeeh; raqqa 'ye marah tu gactek, yakkeemiik gulubuh gacca 'yeh afah elle radak yooqobe.