Versículos bíblicos populares de यहुन्ना 10

Compartir

चोर कणी दूजाँ काम के वाते ने, पण बेस चोरी करबा, मारबा अन नास करबा ने आवे हे। पण मूँ ईं वाते आयो के, थाँ भरपूर जीवन पा सको।

“मूँ हव गवाळ हूँ। हव गवाळ आपणाँ गारा का वाते आपणो जीव भी दे देवे हे।

मारा गारा मारी बोली हुणे हे। मूँ वाँने ओळकूँ हूँ, अन वीं हाराई मारा पाछे-पाछे चाले हे।

अन मूँ वाँने अनंत जीवन दूँ हूँ। वाँको कदी भी नास ने वेई अन ने कुई वाँने मारा हाताऊँ कोस सकी।

बारणो मूँ हूँ, यद्याँ कुई मारी हुणन परवेस करे हे, तो वो बंचायो जाई। अन मयने आया जाया केरी अन वटे धपायो जाई।

हव गवाळ मूँ हूँ, मूँ मारा गारा ने ओळकूँ हूँ अन मारा गारा मने ओळके हे।

मारा परमेसर, जणी वाँने मने हुप्याँ हे, वो हाराऊँ मोटो हे अन कुई वाँने परमेसर का हाताऊँ कोस ने सकी। मूँ अन मारा बापू परमेसर एकीस हाँ।”

जस्यान बापू परमेसर मने ओळके हे अन मूँ बापू परमेसर ने ओळकूँ हूँ। अन मूँ गारा के वाते आपणो जीव देवूँ हूँ।

कुई भी माराऊँ मारो जीवन ने ले सके, पण मूँ खुदई दी देऊँ हूँ। मने ईंने देबा को हक हे अन पाछो लेबा को भी हक हे। परमेसर मने अस्यान करबा का वाते आग्या दिदी हे।”

जद्याँ ईसू वाँने क्यो, “मूँ थाँकाऊँ सई-सई केवूँ हूँ, गारा का वाते बारणो मूँ हूँ।

पण दानकी पे गारा ने चराबावाळो ने तो हव गवाळ्यो वेवे हे अन ने गारा को मालिक वेवे हे। ईं वाते जद्याँ बरगड़ा ने आतो देके, तो गारा ने हुन्ना छोड़न भाग जावे हे अन बरगड़ो वाँने पकड़बा का वाते जपटा मारन वाँने बखेर देवे हे।

पछे ईसू ओरी क्यो, “मूँ थाकाँऊँ हाँची केऊँ हूँ, ज्यो गारा का बाड़ा का बारणाऊँ ने पण बाड़ा की कोट कूदन में जावे हे, वीं चोर-डाकू हे।