Versículos bíblicos populares de Romans 4

Compartir

Yaḵon adipun nanduwaduwa somsomoḵna si mipanggob atta inkarin Apudyus ḵan siya yaḵon amo pummigsapigsa pammatina ya indaydayawna'ḵ Apudyus, te aaddi ye lamog Apudyus ḵoon da inkarina.

Ḵanan ni nigili ye Ugud Apudyus, “Nambalinoḵ siḵa'ḵ aman da adu we ili.” Siya ama taḵu si antotollong Apudyus we pinatin Abraham, siya maḵabooḻe anagu'tta natoy ḵan angwa'tta banage naippun.

Impuḻang Apudyus aḵ matoy aḵ Jesus ta bayad da basuḻ taḵu ya tinaguna ta ibelang Apudyus ditaḵu'ḵ naun-unan.

Pinatin Abraham imbagan Apudyus ḵan siya taḵon ay nu ippun namnamana'ḵ mituttuwa, siya nambalin aḵ aman da adu we ili ye sa ḵaadun da ganaḵna isuna ḵaadun da bituwon ad langit. Sadi nigili'tte Ugud Apudyus we maḵwa.

Pun sana gapunae mibatay atte pammati ta sa inkarin Apudyus mibatay si ḵinabaḻuna ya aaddi ye mituttuwa'tta losane mibelang aḵ ganaḵna, daḵampun aḵ abus da Judyu aḵ angigammu'tte lintog yaḵon da losane amati ye isun ni pammatin Abraham. Te siya ama taḵu losan.

Ḵanana, “Pian tagu we pinakawan Apudyus da ḵingwana ya ḵinaanna dusan da basuḻna. Pian tagu we adimpun Apudyus ogon iḵagasmoḵ da basuḻna.”

Te sa nigili ye Ugud Apudyus ḵanana, “Namati'ḵ Abraham ḵan Apudyus, pun siya nangibelangan Apudyus ḵan siya'ḵ naun-unan.”