Versículos bíblicos populares de متى 18

Compartir

ڒَاحقَّاش مَانِي غَا مُوْنن ثْنَاين نِغ ثْڒَاثَا خ سَّبَاب ينُو، نش اَڒ ذِين يڒِيغ ذِي ڒْوسْط نْسن."

قَّارغ-اَوم عَاوذ: مڒَا ثْتَافْقم ثْنَاين زَّايْوم خ ثْمُوْرْث ثتَّارم شَان ڒْحَاجث إِ بَابَا يدْجَان ذݣ وجنَّا، أَتَاف اَذَاوم ت يسْتَاجب.

ئِڒَاغَا-د عِيْسَى خ يِجّن وحنْجِير ذ اَمزْيَان يسْبدّ-يث ذِي ڒْوسْط نْسن. ينَّا-ٱسن: "أَقَا تسْڒَام ڒْحَقّ: لَابُد إِ كنِّيو اَذ تْذوْڒم اَذ تِيڒِيم اَمشْنَاو يحنْجِيرن يمزْيَانن. مڒَا لَّا، أَتَاف عمَّارْص اَذ تَاذْفم ذِي ڒْمُلْك وجنَّا.

ونِّي يسمْزَاين يخف نّس اَمشْنَاو اَحنْجِير-أَ، ذ نتَّا إِي غَا يِيڒِين ذ اَمقّْرَان قَاع ذِي ڒْمُلْك وجنَّا.

ونِّي غَا يقبْڒن شَان وحنْجِير اَم وَانِيتَا عْلَاحْسَاب يسم ينُو، أَخْمِي ذ نش إِݣ يقْبڒ.

أَقَا تسْڒَام ڒْحَقّ: مَارَّا مِين غَا ثْشدّم ذِي ثْمُوْرْث اَتَاف اَذ يِيڒِي يتْوَاشدّ ذݣ وجنَّا. مَارَّا مِين غَا ثرْزْمم ذِي ثْمُوْرْث اَتَاف اَذ يِيڒِي يتْوَارْزم ذݣ وجنَّا.

أَمُّو إِي كِذْوم غَا يݣّ بَابَا إِي يدْجَان ذݣ وجنَّا مڒَا وَار يسْمِيح مْكُڒ يجّن زَّايوم س وُوْڒ نّس إِ وُوْمَاس.

ونِّي إِي غَا يَاوِين يجّن زݣ يمزْيَانن-أَ إِي زَّايي يتَامْنن غَار ڒْمُعْصِيّث، حْسن إِ نتَّا اَذَاس شدّن يجّن ن وزْرُو ن ثْسِيرْث س وسْغُوْن غَار يِيري نّس اَذ يتْوَاغْرق ذِي ڒَادْجغ ن ڒبْحَر.

مِين ذَاوم يمظْهَارن؟ ئِجّن غَارس مِيَّا ن يحُوْڒِيْين. مڒَا يودَّر-اَس يجّن زَّايسن، أَتَاف اَذ يجّ تسْعَا أُو تسْعِين ذݣ وذْرَار اَذ يرَاح اَذ يرْزُو خ ونِّي يودَّارن.