Versículos bíblicos populares de Qneepah 1

Compartir

Kiya ka meyah heyi namu ka Bgihur Utux de maangal namu beyax, mpgkela namu yaku meniq Yerusalem, kana Yudaya, Samareia ma betaq puting dxeral.”

Rmengo dheya ka Yesu: “Mnoda pusu beyax Tama nanak sneengan na ka ali ma, ciida we uka namu klaan mkela.

Kiya de msuupu dheya msseli ka Yesu, dmurun bale dheya: “Iya latac Yerusalem. Tara ka sntangan tama, kiya ka wada namu bhangan rnengo mu, Yohane we qsiya ka sptgaya na smino. Kiya ka uxe mppiya ali de, mooda namu ptgaya psino Bgihur Utux ka yamu.”

Bobo mnoda mqraqil ka Yesu, spooda na egu bale pnugkela ma mtqita snkgulan na gaga muudus ka heya. Wada 40 ali qnbsiyaq mtqita dheya ma rmengo quri qnlhangan Utux Baro.

Rmnengo kari nii ka Yesu, ida gaga mita ka dheya ciida, wada desun baro ka heya. Niqan 1 ka plabu wada madis heya peeyah berah daha.

Mosa baro ka Yesu, tgleus qmita baro ka dheya ciida. Asi lux mheyu ssiyo daha ka 2 seediq mlukus lukus bhege, rmengo: “Seediq Galil, ma namu mheyu qmita baro ha? Smwaye yamu wada ngalun baro ka Yesu nii ge, huwa mesa ntaan namu wada baro ka heya we mpntena nii meyah dungal.”