Versículos bíblicos populares de Matiyə̈ 28

Compartir

Nyë êë pu azü pâ cho gbɛ̂, kə̂ mbo andjê tə̂ adjisîpili, nyë zä batɛ̂me sə̈ andjê la rə̈ Bha, la rə̈ Modô, la rə̈ Kpɨ̂ki Yingö. Nyë nyïsə̂ nə̈ sə̈ andjê ndə̂kə̂ bata arə gbɛ̂ ndə̂ më tô pö ndə̂nə̈ sə̈ nyê. Äwäpä nyë wunsə̂ nə̈ pä, më kä la nyê logbɛ̂, ndjoa ësə̂nə̈ ndə̂ tchêbêche krʉ tâ.»

Jezü gîtə̂ yê ndola andjê kə̈ tô rə̂ sə̈ andjê päkëdə̂: «Ndjapä zä gbôgbô sə̈ mê pâ tchêlafô la tchêbêche.

Praâbalë ânje nə̈ tô rə̂ sə̈ aɛ̈chë nə̈ päkëdə̂: «Wawa mböäbô nyê mbô-ê, më wünsə̂ nə̈ pä nyë nə̈ ndə̂kə̂ pu Jezü ndə̂ a wôn tchë bhâtə̂ yö ndə̂ gba lâme. Tche sə̂âbo tchâtə-a, tchë jô lə̂ kuzü nə̂, batə̂ rə̂ ndə̂ tche tô rə̂ alême, nyë nə̈ kə̈ wûn tchô ndə̂ tche lô tâ.

Käko Jezü tô rə̂ sə̈ andjê päkëdə̂: «Wawa mböäbô nyê mbô-ê! Nyë gü kə̈ tô rə̂ sə̈ arə̂mâ ndə̂ mê ndə̂kə̂ pa andjë e atə̂ Galilë, andjê wun-adje mê bhâye.»

Agbölö a-earə̂ kə̂ wa ngela sə̈ Ndjapä la akpôkpô azü pâlatə̂ andjê, kə̈ djêtə̂ andjê ndə̂kə̂ kʉ gbölö makətche sə̈ aturûgu nə̈. Andjë zâma sə̈ andjê kə̈ tô rə̂ päkëdə̂: «Nyë tö rə̂ kâkë: ‹Adjisîpili ndə̂ yê nə̈, kə̈ zɨ̂ ngbä krʉkrʉ yê lə̂ bütchî, kə̈ rô la rə̂ etə̂ dëkë ârâ lô nə̂.› Âdə pö lâme âte lə̂ tü goverenëre, ârâ âmboadje rə̂ gbɛ̂ ndə̂kə̂ pa su yê zɨ, ânyë kə̂ mboadje ndjë rə̂ ndə̂kə̂ pa su nyê dɨ̈äbô nyê dɨ̂-î.» Aturûgu nə̈ kʉ̂ makətche nə̈, kə̈ mbô rə̂ gundə̂sə̂ pö ndə̂ andjë tô rə̂ sə̈ andjê. Bëte rə̂ kä ndə̂ pö lâme wâ lə̂ gbâtə̂ ajuîfu zoo ëtə̂ tchô angêta.