Versículos bíblicos populares de Varome 6

Compartir

Mashika weesi lwa ulyamari ni ufu. Kyaindi simbo ya Iruva mmuu wa llung'anu, kyeendwa ni Yesu Kristo Nndumi weeru.

Nkivaa ulyamari lumushillye yeni-fo, mashika mmukikee vashillye mmavavaso-fo, mmbo mushillyo ni isarya.

Mmbo lulerikwa nawe sheelyi mmbo lulefwa llya lulebatiswa, naambo shaasa Kristo aleruka kawona itumbe kwa Nde, naasa neese lukae na muu mwiiya.

Nta mulakyeengere iniingya malungo yoo any ave fisha fya uravi na ulyamari-fo; kyaindi kurambikyeny muveni kwa Iruva sha vandu vemmaa ifwa vakawuya ikaa na muu, na malungo yoo any ave fisha fya usumanu kwa Iruva.

naasa elyi lwammanyany indo, sheelyi ngata yeeru mmbo ilekapyo nsalabeny ando amwi nawe, naambo mwiili wa ulyamari umirwa, lulakirundye ulyamari-fo

Naasany na yeni, kya ulyamari veny sheelyi mufiiye, muveny vandu va Iruva vakee na muu kyeendwa ni Kristo Yesu.

Lukaambany inda ulaalu? Lukakusindyany ulyamariny naambo isarya lyiingifwa? Oode, A yese lulemmaa ifiiya ulyamari mmbo lukaa inda-se ulyamariny?

A mmbo mulaishi sheelyi yeto mwakuniingya kwakwe mukava mashinga akwe kyeindya yeto mumwiindye mmbo mwammba mashinga akwe, kwakooya ni ushinga lwa ulyamari lusheendee ufu, ao kwakooya ni ushinga lwa wiindi yelo lweende usumanu.

Lyo Iruva naanwa nnu, mashika yeni mmbo mwekee mashinga a ulyamari, kyaindi mmbo muleirikya na mirima yaany ngata ilya ya urango yeyo ilemushillya; na kyeeri mulemaa ilekwa ulyamariny, mukavikwa mashinga erundya usumanu.