Versículos bíblicos populares de Walumi 15

Compartir

Ale u Mulungu mono wo musinji wo witumbilo, yamumemyenyi inyemo yose, no mulamu wono wukulawa mu wihuwilo wenyu, u witumbilo wenyu ho wonjezece mu vilungo vyo Muhe Mono Yelile.

Hambi zose zono zandikwa, nha zandikwa ho zicijize ase, nase ho cituje witumbilo mu wukangalile, na mu wusindamice wono cikupengwa ne Mandiko gago Gono Gelile, ho ciwe no witumbilo.

Ale u Mulungu mono wo musinji wo wukangalile no wusindamice wose, yamupelenyi wimo wumonga mu hwani ya Kilisito Yesu. Ho nanye wose mumukumye u Mulungu u Sogo yo Mutwa wetu Yesu Kilisito kwa nhumbula monga na lizi limonga.

Holeka mwiyibocelaje nha vyono Kilisito yamubocelenyi nanye, ko lukumyo lo Mulungu.

Yicinojeye ase wose, cimwendeze munhu na muyagwe mu wuswanu, ho nayo yasume kwima mu wihuwilo.