Versículos bíblicos populares de Arumi 8

Compartir

Seenoo gumanyie mwino mukhatë a mantu oong'e Muungu ugutendaa mwëmo itambëëmwe na vasaa nëvëmwanjëte gwa uvafa në maja, uunë vasaa nëvataaniwe gwa mafenji akwe.

Gusoko nadahie umanyaa gwa tutë tutë mwino, mbesa nkuya mbesa ufanga, mbesa vamalaëka, mbesa anyagëbala, mbesa mantu nëërëfo, mbesa nëëjie, mbesa anya nguu, mbesa nëëgunto, mbesa nëëëfang'ë, mbesa ntundo ëngëja gëkaku ëtiudaha ugurekanua na uyanjo wa Muungu Mukuu witu.

Viuyi viuyi Mwahu mweeso ugugwaarëëya mu ulegheku witu. Gusoko gutimanyie uromba mwino ënoneye, ëgweeso Mwahu mughonjo ugugurombeaa gwa gëëro ga uvavi nëutiudaha ugëdona.

Uvii, guhanye ntunihe gwa asaa? Muungu nësa wëëguuvaru witu, uu anyu në wëë gunto itu?

Gwa uvii, itungwee gutie iramwuwa ra mahuttye gwa avoo në vee mukhatë amwa Kiristo Yesu.

Gusoko mafenji a mwëërë unë ukuya, ëgweeso mafenji a nkhoo unë ufanga nanë majëghana.

Ëgweeso mukhatë a mantu asaa oong'e guuhuma, na ukëra uhuma, gusoko akwe mweeso nëwaguyanjie.

Gusoko nguyoonaa makhasëko a itungo ërëë mwino ti gëntu mwino weru nëküü wasuu nëujie ukunukuwa kunë see.

Uu anyu nëugugurekanua na uyanjo wamwa Kiristo? Wurë! unë malwe namba siida, namba makhasëko, namba njaa, namba gëfuyu, namba holota, namba ifaanga?

Na mweeso nëugoona faka mukhatë a nkhoo ya antu umanyie isëgho ra Mwahu mwino rërë, gusoko uguvarombeaa antu va Muungu gwa uhonga mafenji a Muungu.

Gusoko voong'e nëvëutongeerwaa na Mwahu wa Muungu, vasaa unë vana va Muungu.

Gusoko vasaa nëvëuhongie mwëërë vëuyasëghanëyaa mantu a mwëërë, ëgweeso vasaa nëvëmëhongie nkhoo vëuyasëghanëyaa mantu a nkhoo.

Mweeso nëinamurekeaa Mwanakwe mughonjo, ëgweeso agamuduya gusoko itu sese soong'e, ugudëa wurë ugufa mantu oong'e itambëëmwe na mweeso?

Mwahu mweeso ugusudangëaa itambëëmwe na nkhoo yitu, mwino chu sese gwë vana va Muungu, na nësa gwë vana, uvii, gwë asai, asai va Muungu, nëvëusaa itambëëmwe na Kiristo, nhaa, nëgwakhasiwa itambëëmwe na mweeso gusoko gudahe na ukuriwa itambëëmwe na mweeso.

Gusoko mafenji asaa a mwëërë unë urughu kunë Muungu, gusoko ëtiumëhongaa seria a Muungu, kangë ëtiudaha umëhonga.

Gusoko ntundo yoong'e noo yiindëe gwa nkumbu ino ukunukwëëywa gwa vana va Muungu.

Sese gumanyie ntundo yoong'e yiurëa gwa uvavi mu uhungu itambëëmwe faka fanoi ukharë itambëëmwe faka itungwee.