Versículos bíblicos populares de Asat 2

Compartir

Nejoki ꞉Petero ninche, <<Erriidu nimbelekenyanya, nemeatae lobo linchi lemeipatisi ta nkarna e Yeso Kristo payie epalikini ntae ng'ok, ning'amaa nkichoroto e Ltau Sinyati.

Neibung ninche aitirrichaki nkiteng'ena ee Lkipaareta o nchula ee ltung'ana ooiruko Yeso o ngilata e mukate e ndaa e Laitoriani o nkomono.

Neiput ninche pooki ꞉Ltau Sinyati, neng'asu aairo to nkulie nkutukie, ana naidimie ꞉Ltau Sinyati ninche.

Kore ake inia kata, nening'oi ltoilo te chumata otuwuana siwuo okutu to ngolon, neiput inia aji pooki natii ninche. Neipung'oki ninche ꞉ntokitin naatuwuana lng'ejepa le nkima, newuenie nkue e pooki ng'ae otii inie. Neiput ninche pooki ꞉Ltau Sinyati, neng'asu aairo to nkulie nkutukie, ana naidimie ꞉Ltau Sinyati ninche.

Kore mperot pooki, nepuonu ninche aatumo tee lning'o taatua nkaji e Nkai. Negil mukate e ndaa e Laitoriani taa nkang'itie enche te ng'ida o taa ltauja supati, eisis Nkai netumo omom too ltung'ana pooki. Neponiki Laitoriani mparri pooki lolo ooitejewuaki atua ilo turrur lenche.

<Kore kenya tee mperot e siedi naa kaicho ltung'ana pooki, Ltau lai Sinyati. Kore nkera inchi, layiok o ntoyie, neibonicho, nedol lewa linchi leleru nduat, neidetdet lpayiani linchi kutuaa nkidetidetat.

Kore lolo pooki ooiruko Yeso naa ketumo chiaake tenebo, neng'ar ntokitin pooki naata. Nemir lchampai lenche o ntokitin enche pooki, neoriki pooki nenia ropiyiani, meata leitu eichori ana naairirikino ninye.

Naa kore pooki ng'ae oipotu reto ta nkarna e Laitoriani, naa keitejeuni.>

Keroku ndama aaku naimin, neaku lapa lodo, ewuon eng'or inia parri kenya kitok e nking'asia e Laitoriani.