Versículos bíblicos populares de Yɔni 16

Compartir

Yaŋ thanki bena tepe haŋ haŋ baŋ wuna beŋ bohinande iŋ yaŋ awa ka gboŋa babɛina, beŋ kɔŋ kutu thɛbina thukuma. Beŋ kɔŋ niya thɔrɔ kafaydo. Kɛrɛ kahaŋ thathukuma! Yaŋ punke banɛnɔy ba kafaydo baŋ.”

Kɛrɛ naa Yina wo si tɔŋɔŋ nɔndi baŋ ba Masaala see, ndɛ kɔŋ bena si katitɔkɔ ka nɔndi baŋ fooma. Ndɛ sa si gbonkoy ka mayoho nama, kɛrɛ ndɛ kɔŋ si gbonkoy ba bɛyiniŋ ba thanki ndɛ yuyɛ baŋ fooma, mɛnɛ ba bɛyiniŋ ba nɔŋ niyɔ baŋ.

Kɛrɛ haaŋ hɛ beŋ thonthiŋineta ba ntha yo ntha kaŋ hina yama keŋ; thɔnthiŋinaŋ beŋ kɔŋ kutu, wuna yehitɔkɔ ndeŋ haŋ niyɔ hubɔyɛ.

Kɛrɛ yaŋ kɔŋ bena tepe nɔndi baŋ, wu kɔŋ niyɔ hita ba beŋ yaŋ ba kaa napooŋ, baa mɛnɛ yaŋ tha kay, Bamase woŋ sa see kendeŋ do. Awa naa ndɛ see, ndɛ kɔŋ si toŋine biyamɛti bi ka faido beŋ ba bindɛ thana kɔthɔ nɔndi baŋ ba hakɛ baŋ, ba bindɛ thana kɔthɔ ba mathumbɛ maŋ, awa bindɛ thana kɔthɔ nɔndi baŋ ba kukɔnsɔŋɔŋ ku ka Masaala koŋ.

Nɛna bena wuŋ niyɔ; ka tete bendo teetuwɔy thathukuma, kɛrɛ yaŋ kɔŋ hɛlɛŋ bena kutiyɔkɔ. Awa thathukuma ndeŋ thaŋ tha kɔŋ yehitɔkɔ wumandiŋ. Mayehitɔkɔ ma sa wɔ bena punku kanita. “Naa lɔkɔ babɛina tɛŋ, yaŋ gbeeŋ yaŋ kutɛ nda beŋ thɔnthɔŋɔŋ ba ntha yo ntha. Yaŋ kɔŋ bena tepe nɔndi baŋ: Fandaŋ woŋ kɔŋ bena dunkune ntha o ntha ki beŋ niŋ thɔnthɔŋɔŋ mɛnɛ beŋ kɔŋ yama hiŋ keŋ ka thɔnthiŋina yama.

Yaŋ kɔŋ bena tepe nɔndi baŋ, beŋ kɔŋ bereŋ e beŋ lemgbiŋina sampɛrɛŋ batɔɔkɛ, kɛrɛ biya bi ka faido beŋ kɔ yehitɔkɔ wumandiŋ. Beŋ kɔŋ teetuwɔ thathukuma kɛrɛ teetuwɔ hukendeŋ thathukuma haŋ hu kɔŋ nɔŋ thanke mayehitɔkɔ.