Versículos bíblicos populares de ۱-کُرِنتھِیوں 12

Compartir

پر ہر کِسے وِچ رُوح دا ظاہر ہونا فائدہ پُچان لئی ہوندا اے۔

ایویں تُسی مِل کے مسِیح دا بدن ہو تے وکھرے وکھرے انگ ہو۔

سو جے اِک انگ نُوں دُکھ ہوندا اے۔ تے ساریاں انگاں نُوں اوہدے نال دُکھ ہوندا اے۔ تے جے اِک انگ نُوں عِزّت مِلدی اے تے سارے انگ اوہدے نال خُوش ہوندے نیں۔

کیوں جو اِک نُوں رُوح دی راہِیں حِکمت دا کلام مِلدا اے تے دُوجے نُوں اوسے رُوح دی مرضی نال عِلم دا کلام۔ کِسے نُوں اوسے رُوح نال اِیمان تے کِسے نُوں اوسے اِک رُوح نال شفا دین دی نِعمت۔ تے کِسے نُوں کراماتاں کرن دِیاں قُدرتاں۔ کِسے نُوں نبُوّت کِسے نُوں رُوحاں دی پہچان۔ کِسے نُوں طرح طرح دِیاں زباناں۔ کِسے نُوں زباناں دا ترجمہ کرنا۔

پر ایہہ سارِیاں اوہو اِکّو رُوح کر دا اے تے جِہنُوں چاہندا اے۔ ونڈ دا اے۔

تاں جو جِسم وِچ ونڈ نا پَے جاوے۔ سگوں سارے انگ اِک دُوجے دا اِکّو جیہا فِکر کرن۔

نِعمتاں تے طرح طرح دِیاں نیں پر رُوح اِکّوئی اے۔ تے خِدمتاں وی طرح طرح دِیاں نیں پر خُداوند اِکّوئی اے۔ تے تاثِیراں وی طرح طرح دِیاں نیں پر خُداوند اِکّوئی اے۔ جیہڑا ساریاں وِچ ہر طرح دا اثر پَیدا کر دا اے۔

تے خُدا نے کلِیسیا وِچ وَکھو وَکھ بندے مُقرّر کِیتے۔ پہلے رسُول دُوجے نبی ترِیجے اُستاد فیر کراماتاں وکھان والے۔ فیر بیماریاں ولّ کرن والے۔ مدد کرن والے۔ انتظام کرن والے۔ وَن سَووَنِیاں زباناں بولن والے۔

کیوں جو جِسم وِچ اِکّو انگ نئیں سگوں بتھیرے نیں۔

سگوں جِسم دے اوہ انگ جیہڑے ساریاں نالوں ماڑے معلُوم ہوندے نیں بُہت ای ضرُوری نیں۔

جے سارا جِسم اَکھ ای ہوندا تے سُننا کِتّھوں ہوندا جے سُننا ای سُننا ہوندا تے سُنگھنا کِتّھوں ہوندا۔ پر اصل وِچ خُدا ہر اِک انگ نُوں جِسم وِچ اپنی مرضی دے سببّوں رکھیا اے۔ جے اوہ سارے اِکّو انگ ہوندے۔ تے بدن کِتّھے ہوندا۔