Versículos bíblicos populares de LITANGA 49

Compartir

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

“Josefu aveeye kuli muzabibu gwa makuyu, aveeye ahimbi ni kisenukiru cha mazi. Zisia ziagwo ziavambuka kuduuka kundulu kwi kiguru. Avasigu veve vamwingilira nu vululu, kandi vamulondelera nukumulasa ni mivano ju vuta vwavo.

Navuzwa vuta vwivwe vwayetegeka, kandi zinguru zia Nyasaye Wuvunyali wa Isiraeli, kuvitira mumwayi kandi mukingi wa vandu va Isiraeli, zilomba makono geege kuva ni zinguru. Nyasaye wa vaguuga vovo yakoonya ivi, Nyasaye Wuvunyali ugasizaa ivi nu vugasu vwi imbura kutura mu ligulu. Kandi agasizaa ivi na mazi gu mululiva lwi inyanza. Agasizaa ivi zinzivulu zinyingi zia vana nimitugu.

“Yuda, avamwavo vovo valakwizominya ivi. Kandi ulalwana avasigu vovo. Avamwavo vovo valinama imbiri woovo. Yuda aveeye kuli isimba, yitaa vasigu vayo ma yirana mu lungaywa lwayo yinjila ma egonaa hasi. Avulaho mundu unyala kuvugilira kugikubiza ikivi.

“Rubeni, mwana wange wukutanga, ivi oveeye zinguru ziange. Kandi oveeye makuyu gu kutanga gi zinguru ziange. Ivi oveeye wu luyali kandi wi zinguru ligali kuvita vayaayi vange vosi. Ivi oveeye kuli migelera ja mazi gafuriana; Navuzwa si ulava munene mba, kigira waali harara nu mukali wange umbika. Kandi wononyia kidali cha baba woovo.