Versículos bíblicos populares de MATAYO 16

Compartir

Kïlenchï nyu Yeso kinetankachi, “Ato mököy chi anka tïkwïl kïrïpanïn kïmïchini kusalta kegh akïkasan kimurtöwontenyi akïrïpanïn.

Kïlenyona ye nyu, omwowunyi Petro lö, ichinyi ghat atekan paraku ghatyanï kanisenyan nyo memukönye ompö meghat kïrïntoy.

Okoninyi yotöwo Pöyunöto Yïm, kïgh anka tïkwïl nyo keratanyi ompö ngwïny keröto yïm tïkwïl, akï kïgh anka tïkwïl nyo kechömchinyi ompö ngwïny, kechömchini tïkwïl ompö yïm.”

Ompöwölo chi tïkwïl nyo mököy kïsöru söpontanyi, kwighöy kupotöy, wölo anka tïkwïl nyo soltoy söpontanyi ompö ani kïsöru.

Ompöwölo tïng chi kinyiwut ne ato nyorï ngwïny kïmïkul akupotö söpon? Möminye kïgh nyonikïny nyo muköy chi ntökwala söpontanyi.

Kïtep Yeso chane lö, “Ekï akwa köny, olentekwa ochan ngo?” Kuyokyï Simon Petro lö, “Ichinyi Kristo,* Wero Tororöt nyo satate.”

Kïlenchï Yeso, “Ichinyi soyönote, Simon Par Yona, ompöwölo melö kenkïtunyi ngalechï pö man ompö chïreryo ptangengmöt, wölo köngongunyi Paponyan nyo mi yïm.