Versículos bíblicos populares de PILIPI 1

Compartir

Alatalla raerai sa nuku pagawian sa maeh yiru hang naun, nelang aku harap hanye sagar nampalus pagawian yiru hampe jumpuh hang Anrau Kristus Yesus hawi kamulek.

Aku badoa ma naun: mudahan naun magin sinta ma Alatalla nelang anri sasameh murunsia nelang saratang batambah hawuang pangatahuan sa bujur anri pandangan sa bijaksana. Anri kalayiru naun tau midi inun sa panga maeh, nelang pamelum naun sagar barasis puang uweng nawada hang anrau Kristus hawi kamulek.

Daya ma aku, tujuan pamelumku ekat Kristus! Amun matei baarati untung.

Tiap aku kaitung naun, aku ngantuh tarima kasih ma Alatalla.

Nah, sa mambatang itati hanyeyiru naun welum manyu kala inun sa nalaku daya Kabar Maeh neu Kristus yiru. Anri kalayiru, hau aku tau panalu anri naun atawa puang, aku sagar karengei naun mansing mira pakat nelang sameh-sameh bajuang ekat ma isa tujuan nelang isa kabahumen; hanyeyiru nampan kaparisayaan sa manyu kala Kabar Maeh teka Alatalla yiru.

Sa nakahamenen nelang naharapku tatuu hanyeyiru nampan ada budas aku hampe gagal hawuang tugasku. Kabalikanni, aku harap nampan tiap ngalut nuu, mambatang tuu itati, aku tatap heei hampe anri sagalis tenga daging amirueku – hau aku welum atawa matei – Kristus namulia.

Daya Alatalla haut ngami ahilelo ma naun puang ekat nampan parisaya ma Kristus, kude pada nampan ngaret kahanangen ma Kristus.