Versículos bíblicos populares de YAKOBUS 1

Compartir

Pulaksanai katuluh! Amun naun wuah wahai masam subaan, patut naun kaingkam bauntung. Daya naun karasa, amun naun tatap parisaya ma Tuhan tawuk wuah subaan, riranni hanyeyiru: naun jari mansing.

Amun naan teka naun kurang kahatien kapintaren, ware hanye ilaku teka Alatalla, himat Alatalla sagar ngami kahatien kapintaren yiru ma hanye; daya ma tiap ulun, Alatalla ngami anri sanang atei nelang anri penu ahi lelo.

Pantaru yiti mamaeh, kawan pulaksanaiku sa nasinta! Tiap ulun harus wansit nyanrengei, kude unte pantane nelang unte pada sangit.

Jaga nampan kakansingen atei naun yiru magin batambah-tambah hampe naun tuu-tuu paruna nelang puang uweng kakurangen hawuang katuluh hal.

Ware naun nampalus kawan inun sa naeau daya Alatalla, ada ekat nyanrengei daya anri kalayiru naun nipu diri naun raerai.

Sanang ulun sa mansing hang tawuk hanye wuah subaan. Daya udi hanye haut kaiyuh batahan hawuang subaan yiru, hanye sagar narime upani, hanyeyiru pamelum sa haut najanji Alatalla ma kawan ulun sa sinta hanye.

Tiap pangamian sa maeh nelang hadiah sa paruna, hawini teka surga, naampinau daya Alatalla, sa haut ngulah kawan maraai hang langit. Hanye Alatalla sa puang tau baubah, nelang puang pada ngulah sabab ala inun-inun maieng.

Ulun sa nyarengei lengan Alatalla, kude puang nampalusni hanyeyiru yalah ulun sa rahat ninung uruwawani hang saramin. Udi hanye ninung mamaeh, hanye balalu tulak nelang udi hie hanye puang kaitung kewangun wangun uruwawani yiru.

Piutul ngalut baagama sa nuu manyu paninungen Alatalla Ambah hanyeyiru: ngarawah kawan iya anule pahatu anri kawan wawei walu sa welum hawuang kasusahen, nelang nyaga dirini nampan ada natanrusak daya dunia yiti.

Amun ulun tagoda daya subaan sa kalayiru, ada hanye kaeau, “Godaan yiru hawini teka Alatalla,” daya Alatalla puang tau tagoda daya kajahaten nelang puang pada murija murunsia sunah erang kaulun sika puang. Kude ulun tagoda amun hanye natarik nelang nabujuk daya kabahumenni raerai sa jahat.

Ulun Kristen sa paua ware hanye kaingkam arai amun Alatalla ngampambau hanye.