Versículos bíblicos populares de IBRANI 2

Compartir

Nelang daya hanye haut suah wuah kahanangen nelang napurija, hanye kaiyuh ngarawah kawan ulun sa wuah purija, daya hanye haut suah napurija nelang wuah kahanangen.

Daya gana kawan ulun sa naantuhni anak yiru, hanyeyiru mahluk murunsia sa tau matei, balalu Yesus raerai sameh kala here nelang welum hawuang wangun murunsia. Hanye ngulah kalayiru, nampan mitah pampateini hanye kaiyuh nyantalau Iblis sa bakuasa hang ambau pampatei.

Yiru sababni takam harus itegei mansing hang kawan ajaran sa haut rengei takam, nampan takam ada nanan kaparisayaan takam.

Yiti baarati hanye harus sameh anri kawan pulaksanai hawuang katuluh hal. Balalu anri kalayiru hanye tau jari Imam Hante sa satia uweng ahi lelo. Mitah palayanan ni yiru dosa murunsia kaiyuh naampun.

Kude takam haut kadinung Yesus bakuasa! Erang pitus hanye natukas randah butit teka malekat, nampan daya pikaeh atei Alatalla hanye tau matei ma katantuluh ulun murunsia. Takam kadinung hanye itati naami kadudukan sa mulia nelang nahormat daya hanye haut wuah kahanangen hampe matei.