Versículos bíblicos populares de 1 TESALONIKA 5

Compartir

Ware naun saratang arai, nelang saratang badoa. Hang katuluh hal ware naun batarima kasih, daya yiru sa nakabahumen Alatalla teka naun yalah ulun sa welum mira baya anri Kristus Yesus.

Mudahan Alatalla raerai sa ngami ma takam kasanangen, ngulah naun ulun sa tuu-tuu welum hulung ma Alatalla. Mudahan Alatalla nyaga nyalindung naun katuluhni, hau roh, amirue atawa tenga naun, hampe puang uweng nawada hang tawuk Tuhan takam Yesus Kristus hawi kamulek. Alatalla, sa haut nerau naun, sagar nampalus hal yiru daya hanye satia.

Jaga mamaeh nampan ada uweng sa iwaleh kajahaten makai kajahaten. Ware saratang ngakali ngulah kawan hal sa maeh, isa ma salain nelang ma katuluh ulun.

Daya yiru, ware naun tatap ipangami samangat nelang pangampi kansing, sameh kala sa rahat naulah daya naun itati.

Kami pada ilaku, Pulaksanai katuluh, tagur mamaeh ulun sa puang hakun bagawi; ampi kansing atei ulun sa takut; karawah ulun sa parlu nakarawah nelang sabar anri katuluh ulun.

Alatalla midi takam puang nampan nahukum, kude nampan nasalamat itetei Tuhan takam Yesus Kristus.

Naun katuluhni hanyeyiru ulun sa welum hawuang piraai; naun tamasuk hang anrau sa maraai. Takam puang ulun sa welum hang wuang piieng, atawa tamasuk hang anrau kamalem sa maieng.