Versículos bíblicos populares de Genesisi 50

Compartir

Kubiha kuwa mi nga pimisa ku ni mahela, ngu kuxuva ka Txizimu, ku hindukile ku txi maha wunene, kasiku ti txi woneka ti nyamsi ti mahekako, i ku kuhulukisa wutomi wa vathu votala.

Aniko Josefa a va gete, a txi khene: Mi nga thaveni txilo! Mi pimisa ti to ani ni ha wukhaloni wa Txizimu kani?

Konkuwa, mi nga thaveni txilo. Ani ni na mi xayisa, kumweko ni vanana vanu. Ene a to va khongotela, a txi womba-womba navo ngu lirando.

Mi na ya womba ka Josefa mi txi khanu: Na kukombela, divalela vananu minandu yawe ni sionho sawe, nguko va ku mahete wubihi; konakuwa koko, ha kukombela, ti to u divalela sionho sa sithumi sa Txizimu txa tate wako. Se Josefa a di engisile toneto, a to dila.

Ngu kugwita, Josefa a wombile ka vanawe, a txi khene: Ani na fa, aniko Txizimu txi na mi endela txi hulukisa mi khukha ka diya ditiko, txi mi yisa ka ditiko di txona Txizimu txi nga thembisa, ngu txixambanyo ka Abrahamu, ka Isaake ni ka Jakobe.

Se Josefa a mahile ti to vanana va ka Israyeli ve xambanya, a txi khene: “Mbimo yi Txizimu txi no mi endela, mi na thavisa marambu angu ka wuwa wukhalo mi tsula nawo.”

Se Josefa a fite a di ni tanga ya 110 wa malembe. Msana ka ku mtotela mafura a mrende, va to lulamisa txirumbi txakwe ve txi veketa dibhokisoni, kona Egipta.