Versículos bíblicos populares de Vaefesu 6

Compartir

nguko kha hilwi ni nyama ni mnoha, aniko hilwa ni mimoya yo biha yi ku txitimwi mpfhukani, ni tinduna, ni vafumi ni vakoma va va fumako ka ditiko diya da txidema.

Mahani totshelele tiya na mi txi khongela, mi txi kombela kuvhunwa ngu Txizimu. Khongelani yotshe mbimo, nga ti Moya wu mi leletisako tona. Ngu konaho, zumbani mi di ti lulamisete, mi txi khongela mi si karali, mi txi kombelela vasawuleki votshe va Txizimu.

Ti vhikeleni ngu matxhari a Txizimu, kasiku mi sikota kuxula siduko sa Sathani

Ngu toneto, xomani sivhikelo ni matxhari otshe a Txizimu, kufela ku mi sikota kubamba ka ditshiku do biha, se msana ka kuva mi di ti lulamisete, mi na sikota kutserama.

Ngutu-ngutu tekani txitxhavangu txa likholo, i ku txi mi no vhika ngu txona siholoma sa mndilo sa m'bihi. Amukelani kuhanyiswa ku txi maha txidgoko txanu ha msungo, se dipswi da Txizimu di txi maha ditxhari danu da Moya.

Emekani ngu kutsana. Sungani siwunu ngu ditshuri, di txi maha libhande lanu. Ambalani kululama ku txi maha txivhikelo txa khana yanu. Mi txi ambala tikathula mikondoni kwanu, kasi kuya txhumayela Evhangeli ya kudikha.

Ngu kugwitisa, zumbani mi di tsani ta tinene ka Mkoma, ni ka mtamo wakwe wu si tandwiko ngu txilo.

“Thava tate wako ni mame wako, ngu txona txirumo txo khata txi ku ni txithembiso, kasiku u na kateka u txi hanya mbimo yo lapha ha mafuni.

Anu vanana, engisani vaveleki vanu, nguko eto ti lulamile masoni ka Mkoma.