Versículos bíblicos populares de Vakolosa 2

Compartir

Ngu toneto, kufana ni ku mi nga amukela Mkoma Kristu Jesu, hanyani mi di txilo tximwetxo nayo; zimani mikoloti kwakwe, mi txi akwa txitimwi kwakwe, mi txi tsaniswa amu ka likholo, nga ti mi nga gondisiswa tona, mi txi tala ngu kubonga.

Ti woneleni kasiku ni wammweyo asi mi mahi tikhumbi ngu mawombelo a marindi a wutxhari wa vathu, ngu kulondetela siheno sa vathu ni mtumbuluko wa mafu, i si nga ngu Mlayo wa Kristu.

Kale mi ti vathu va kufa ngu mhaka ya sionho sanu ni mhaka ya wukhutu wa nyama yanu, se Txizimu txi mi hanyisile kumweko ni Kristu. Txona txi hi divalete yotshe minandu yathu; txi pfhutile mibhalo ya dipapilo da minandu yathu, adi di nga ti bhaletwe ku hi mangalela masoni ka mlayo; di fuvisilwe dipapilodo ngu ku di bethela ha txihambanoni.

Nguko wuzimu wotshe wu akile ngu kutala mmidini kwakwe, se anu mi mani kuhetiseka ko tala kwakwe Kristu, i ku Msungo wa sotshe si si ku ni wunduna ni kufuma

Ngu toneto, m'thu a nga thuke a txi mi abanisa ngu mhaka ya kudya mwendo kusela, mwendo mibuso, kutsakela kumeka ka mtxima mwendo Masabbata. Sotshe siya i mtsudi wa si si tako, aniko ditshina da sona i Kristu.