Versículos bíblicos populares de ROMA 12

Compartir

Mkoso awer nyan famfnom ro supswan ine. Naek buk mankundaw fa Allah ifrur fa babo wer, insa beḇesadwer. Rarirya naek wafawi Allah marisen ḇyena – isoine rosai ḇeḇye ma ḇefrur sneprei Allah ma ḇemnis.

Naek srar! Allah ḇaḇye ḇyedi ibakaku maḇeko. Eḇedari yor kaku ḇeri insa naek srar mkoḇuk mankunmkoḇe farsarser ḇekenem oso ḇardi faro Allah ḇefrur sneprei Allah kada. Ikada ḇaḇeari ḇekakuya.

Naek srar mkokyar faro Manseren kuker raryaḇ, ma mkokḇaḇ ro ḇaḇekandera, ma mkofarmku ro nadiya.

Mkomam monda ḇo ḇarḇorya kyafyo awer mko, mboi iḇyekada naek srar mkokafyo ḇarḇorya kuker ḇaḇyeya.

Iḇye syadi naek srar mkoswar yae mko oser ḇe oser imnis manbekanaek ro kina oser, ma iḇyekada oser-oser iwarpon min ḇyedi ro ḇaḇearooya.

Mkosaswar kuker sne ḇenapes. Mkayin roi ḇeḇarḇor na, ma mkoserepen mko ro roi ḇeḇye.

Ro ḇar mkoḇedi, mkosewar fa mkokenem kuker aski faro snonkakusya kam.

Naek srar yesi! Mkomunsu awer swarapepen mkadu, snar Allah nari ḇeḇuk samamyaiya. Snar ro Refo sfas radine, “Ayaiso nari ḇemunsuya. Ayaiso nari ḇeḇuk samamyaiya, ine Manseren wos ḇyedi.”

Mkofararur kuker mayaryaren. Mkopapum awer. Mkofararur faro Manseren kuker raryaḇ ro Allah Rur ḇyedi.

Allah ḇyuk fakamaman ḇyedi kwar maḇe aya. Eḇedari yanun naek srar mkokam: Mkoḇaḇir mankunmko mkokaki syadi awer ro roi ḇekakuna. Iḇye syadi naek kwara ma rwun mankundaw; oser-oser kyara mankundi, imnis raris Allah kakyar ḇyuk faroiya.

Rofyor ono sifrur sasar faro naek srar mkoido, mkomunsu awer na kuker ḇarḇor. Mboi mkofrur rosai snonkakusyakam skara ḇeḇyena.

Mkokenem kuker ḇaḇeoser rofandu mko. Mkokara awer roi ḇekakibur fawawi mkoḇena, ḇape mkorun mankun mko faro roi ḇekur kankenem ras-ras. Mboi mkokara mkofawi syadi awer!

Iḇyekada fan mbroḇ besi rofyor sibiser; ma buk aninem farosi, rofyor simbrow. Snar wafrur rarirya, irya wafrur mamyaisi.

Mkor faro Allah insa ḇyeḇok snonkaku ḇeḇarḇor faro mkonsya. Mboi, mkor fa Allah ḇyeḇoksi, ma mkofras awersi. Mkoryaḇ fnoḇek snonkaku ḇeryaḇsya, ma mkokanes fnoḇek snonkaku ḇekanes.

Mkofnoḇek mnis ḇaḇefandun ro snonkaku ḇekyar faro Allah ma mkorepen si kuker sne ḇemarisen ro rum mkoḇena.

Baken koḇena nna kina nabor. Kina oser-oser fararur ḇyedi isya ḇardi. Rarirya kuker ko kako, kobor rariso wer, ḇape koḇe baken oser snar koḇe oser kuker Kristus. Ma koḇe oser kuker ḇesesya, raris kina ro baken oser.