Versículos bíblicos populares de 1 KORINTUS 12

Compartir

Faro ḇayaye koḇena kam, Allah Rur ḇyedi ifararur ro snonkaku oser-oser mankundi.

Naek srar mko kam Kristus baken ḇyediso mko ma oser-oser ro mko ḇyekina ro baken ani kako.

Rofyor kina oso ḇyekandera, kina ḇesena kako nakḇe kandera; rofyor kina oso ḇyeḇesandik, kina ḇesenakam nakraḇ kako.

Faro snonkaku oso, Rur ani ḇyuk fawawi ro wawos masasik. Faro oso ḇese Rur ani ḇyuk fawawi ḇeḇaryas ro Allah. Rur oser ani kako ḇyuk faro snonkaku ḇena kakyar oser ma faro ḇesesya, Rur ani ḇyuk papoik fa ssḇuk pararei faro snonkaku. Faro snonkaku oso ḇyuk papoik fa ifrur aḇyair kanandor ma faro ḇese ḇyuk ḇararyas ro Allah aw ḇyena. Faro ḇese kako Rur ani ḇyuk fawawi fa ifawi Allah Rur ḇyedi rosai ḇyuk na ma rosai ḇyukḇa na. Ḇyuk faro ono fawawi fa siwawos ro wos kofawiḇa, ma ḇese kako ḇyuk fawawi fa sḇaryas kankunes ro wos anna.

Roi ḇeḇor anna Rur oser ani iso ḇefrur nakamya; ḇyuk fawawi ḇardi faro oser-oser raris Rur ani mankundi moḇ imarisen raya.

Rarirya baken ani ḇyeḇerarwasḇa; kina oser-oser ḇyefandun min ḇese ḇyedi.

Allah Rur ḇyedi fakamaman rosai ḇyuk na nabor fama naḇesisye, ḇape nakam Rur oser iso ḇeḇuknanya. Fararur afuffarmyan Manseren nabor, ḇape Manseren kuffarmyan ani, Manseren oser kako! Fararur naisya nabor ro affuffarmyan Manseren fararur ḇyena, ḇape ḇeḇuk sambraḇ faro snonkaku oser-oser ikada Allah oser kako.

Rarirya ro jemaat kako Allah fyasna kwar moḇ faro snonkaku oser-oser: randakya manwawan; ḇeḇesuru, nabi-nabi, ḇeḇekior guru-guru, raimnai ḇefrur aḇyair kanandor, ḇarpurya faro ḇesma papoik fa ḇeḇuk pararei faro snonkaku ḇeduf, roḇaido faro ḇefnoḇek snonkaku ḇese, roḇaido faro manfarkin, roḇaido faro ḇewawos ro wos kofawiḇa.

Snar baken ani ḇardi ḇyesya ro kina oser mondaḇa ḇoi kina nabor.

Roḇarya kina-kina ro baken kokara ḇeryarḇa na kofandun kaku na

Rofyor baken ani ḇesiper ḇyemkamor monda, rariso baken ani nari ryower? Roḇaido rofyor baken ani ḇesiper ḇyeknaram monda, rariso baken ani nari nyas? Komam ḇoi kina anna Allah ḇeḇuk na faro bakenya. Allah ḇyuk na oser-oser romoḇ ḇyedi iso marisen ḇyedi. Rofyor nakam nekina oser monda, rosaiso sapḇe bakenya?