Versículos bíblicos populares de KA BUKE MUA A MOSE, I KAPA ʻIA KINOHI 39

Compartir

Me Iosepa nō ʻo Iēhova, he kanaka ia i hoʻopōmaikaʻi ʻia, aia nō ia ma ka hale o kona haku, he ʻAigupita.

A waiho ihola ʻo ia i kona mea a pau i nā lima o Iosepa, ʻaʻole ia i ʻike aku i kekahi mea nona, ʻo ka ʻai āna i ʻai ai wale nō. Ua maikaʻi ke kino o Iosepa, he maikaʻi nō hoʻi ka maka.

Waiho aʻela ka mea nāna i mālama ka hale paʻahao i ka poʻe paʻa a pau o loko o ka hale paʻahao i ka lima o Iosepa, a ʻo nā mea a pau i hana ʻia ma laila, nāna nō ia i hana.

Lālau maila ka haku o Iosepa iā ia, hahao akula iā ia i loko o ka hale paʻahao, i kahi i paʻa ai ka poʻe paʻa o ke aliʻi, a paʻa nō ia ma laila ma ka hale paʻahao. Me Iosepa nō ʻo Iēhova, aloha nui maila iā ia, a hāʻawi maila iā ia i ka pono i mua o nā maka o ka mea nāna i mālama ka hale paʻahao.

¶ A ma hope iho o kēia mau mea, ʻike maila nā maka o ka wahine a kona haku iā Iosepa, ʻī maila ia, “E moe kāua.” Hōʻole akula ia, ʻī akula i ka wahine a kona haku, “Aia hoʻi, ʻaʻole ʻike kuʻu haku i nā mea iaʻu ma kēia hale, ua waiho mai nei koʻu haku i kāna mea a pau i kuʻu lima. “ʻAʻohe mea nui ʻē aʻe o loko o kēia hale, ʻo wau wale nō; ʻaʻole kēlā i paʻa aku i kekahi mea iaʻu, ʻo ʻoe wale nō; no ka mea, ʻo kāna wahine nō ʻoe. Pehea lā wau e hana ai i kēia hewa nui, a hana ʻino aku i ke Akua?”

Ia manawa iho, komo aʻela ʻo Iosepa i loko o ka hale, e hana i kāna hana, ʻaʻohe kanaka o ka hale i loko. ʻApo maila kēlā iā ia ma ke kapa ona, ʻī maila, “E moe kāua.” Haʻalele ihola ia i kona kapa ma ka lima ona, holo akula a hiki i waho.