Versículos bíblicos populares de Marcus 7

Compartir

Óir is óʼn taoibh istigh amach as croidhe na ndaoine a thig na droch-smaointe, adhaltranas, drúis, dúnmharbhadh, Goid, sainnt, rógaireacht, feall, neamhghlaine, droch-shúil, diamhasla, díomas, baois. Tig na droch-neithe sin uilig óʼn taoibh istigh, agus saluigheann siad an duine.

Ní fhuil dadamh taobh amuigh deʼn duine, agus a théid isteach ann, a dʼfhéadfadh é a shalughadh, acht na neithe a thig amach as an duine, is iad sin a shaluigheas an duine.

Agus dubhairt seisean leo, ghá bhfreagairt: A bhréagchráibhtheacha, is maith a rinne Isaias tairngireacht oraibh-se, mar atá scríobhtha: Molann an pobal seo mé le n-a mbeola, acht is fada uaim a gcroidhe.

Agus is i n-aiscidh a bheir siad adhradh damh, ag múineadh teagasc agus aitheanta daoine.

Óir ag tréigin aithne Dé díbh, coimhéadann sibh sean-ghnás daoine; ghní sibh nigheachán ar photaí agus ar chupáin agus mórán neithe eile deʼn tseort sin.