Versículos bíblicos populares de JINGKHEIÑ 14

Compartir

Tangba phin ym ïaleh pyrshah ïa U TRAI, lymne wat sheptieng phi ïa ki briew jong kata ka ri; namar ki long kpu ïa ngi: ka jingïada ïa ki, ka la kynriah noh na ki, hynrei, U TRAI u don lem bad ngi: to wat sheptieng te ïa ki.”

‘U TRAI u long uba shah slem, bad uba khraw ka jingisynei, uba map noh ïa ka pop, bad ïa ka jingpalat, khlem da pynksan da lei lei ruh ïa uba rem; uba pynwan hap ïa ka pop jong ki kpa halor ki khun ki ksiew, haduh ka balai, bad ka basaw pateng bynriew.’

Lada U TRAI u sngewbha ïa ngi, te un ïalam ïa ngi sha kata ka ri, un ai ruh ïa ka ha ngi; ka ri keiñ kaba shlei da ka dud, bad ka ngap.

Hynrei, u shakri jong nga u Kaleb, naba u don ka jingmut ka bapher, bad ba u la bud ïa nga biang biang, ïa u keiñ, ngan ïalam sha kata ka ri sha kaba u la leit; bad u symbai jong u kin ïoh ïa ka.

To ong ha ki, ‘Katba nga im’, u ong U TRAI, ‘kat kumba phi la kren ha ki shkor jong nga, kumta ruh ngan leh ïa phi

Te U TRAI u la ong ha u Moses, “Haduh katno kine ki briew kin ïa-pynbitar ïa nga? tad lano ruh kin long ki bymngeit ha nga, namar kita ki dak phylla baroh ba nga la leh hapdeng jong ki?

Te ki khun Israel baroh, ki la ïakren khñium pyrshah ïa u Moses, bad pyrshah ïa u Aaron: bad uta u paidlang baroh, u la ong ha ki, “A suk ba ngin da la lah ïap noh ha kata ka ri Ijipt!” lane “A suk ba ngin da la lah ïap noh ha kane ka ri khlaw!

U Joshua u khun u Nun ruh, bad u Kaleb u khun u Jephunneh de, kiba na kita kiba la ïakhmih syntiat ïa kata ka ri, ki la kad ïa la ki jaiñ: ki la kren ruh ha uta u paidlang baroh ki khun Israel, ki da ong, “Kata ka ri, ba ngi la ïaid lyngba ban khmih syntiat ïa ka, ka long ka ri ka babha eh shikatdei.

hynrei da shisha, katba nga im, ïa ka pyrthei baroh yn pyndap da ka burom jong U TRAI: Namar kita ki briew baroh kiba la ïohi ïa ka burom jong nga, bad ïa ki dak phylla jong nga ïa kiba nga la leh ha ka ri Ijipt, bad ha kata ka ri khlaw, bad kiba la pynshoi ïa nga kine shiphew sien, bad kim shym la shahshkor ruh ïa ka ktien jong nga; da shisha, kin ym ïohi ïa kata ka ri ïa kaba nga la smai ha ki kpa jong ki, kita baroh keiñ kiba la pynbitar ïa nga, kin ym ïohi ïa ka