Versículos bíblicos populares de 2 Коринфянэнгэ 1

Compartir

Тэ явэ́л бахтякирдо́ Дэвэ́л и амарэ́ Ра́скирэ-Дэвлэ́скиро Дад, Саво́ дэ́ла тангипны́тко (жалосно) ило́; Дэвэ́л, Саво́ подрикирэ́ла дро саро́; Саво́ подрикирэ́ла амэн дрэ сарэ́ амарэ́ пиридживипэна ваш дова́, соб (кай) амэ могинасас тэ подрикирас одолэ́н, дро саво́ пхарипэ́н ёнэ тэ на явэ́н, подрикирибнаса, саво́ амэ кокорэ́ дорэсцям Дэвлэ́стыр

Пал-дова́ со, сыр амэ буты́р мэнчынасапэ пал Христосо́стэ, адя́кэ-паць амэ буты́р дорэсаса подрикирибэ́н Лэ́стыр.

А амэ чуиндям пэс сы́рбы амэ сам приракирдэ кэ мэрибэ́н, соб (кай) амэ тэ на розгинас пэ кокорэндэ, а пэ Дэвлэ́стэ, Саво́ отджидякирэла мулэн

Дава́ исын Кокоро́ Дэвэ́л, Кон чхувэ́ла зоралыпэ́н машки́р амэ́ндэ дро екхипэ́н Христосо́са и Кон свэнцякирэла амэн, дава́ исын Дэвэ́л, Кон сы́рбы чхудя́ чэргэнори́ (печать), со амэ сам Лэ́скирэ, и дыя́ Ду́хо (Фа́но) амэ́нгэ сы́рбы сымады́.

Ко́ли амэ пиридживаса, амэ пиридживаса ваш тумаро́ подрикирибэ́н и зракхибэ́н; ко́ли Дэвэ́л подрикирэ́ла амэн, тэды и амэ подрикираса тумэн, ке́ли тумэ́ пирилыджана дасавэ́-паць мэ́ньки, савэ́ амэ вырикираса